އެމްޑީޕީގެ ޕްރައިމަރީގެ ކެމްޕެއިންގައި ރައީސުލްޖުމުހުރިއްޔާ އިބްރާހިމް މުހައްމަދު ޞާލިހް ރ. އަތޮޅު މީދޫއަށް ވަޑައިގަތުމުން އެރަށުގެ ގިނަ ބަޔަކު ކުރީގެ ރައީސް ޔާމީން މިނިވަން ކުރުމަށް ގޮވާލައި މުޒާހަރާ ކޮށްފިއެވެ.

އެއްވި މީހުންގެ ޝުއޫރުތައް ލިޔެފައި ހުރި ބެނާއަކާއި ޕޯސްޓަރުތައް ހިފައިގެން އެ ސަރަހައްދަށް ދިޔުމުން ފުލުހުން ވަނީ ރައީސްގެ ލޯންޗާ ގާތްވިޔަނުދިނުމަށް ވަކި ހިސާބަކުން އެ މީހުން ހިފަހައްޓައިފައެވެ. ރައީސް ފައިބައިވަޑައިގެން ސަޕޯޓަރުންނާ ސަލާމްކުރެއްވުމަށް ފަހު ހިންގަވާފައި ރަށުތެރެއަށް ވަޑައިގަތީ އިދިކޮޅު ސަޕޯޓަރުންގެ ހަޅޭކުގެ ތެރެއިންނެވެ.

އަދި އެމްޑީޕީގެ ސަޕޯޓަރުން އަޑުހަރުކޮށް ރައީސް ސޯލިހުގެ ކެމްޕެއިން ލަވަ ޖަހަމުން ގެންދިޔަ އިރު، ޕީޕީއެމްގެ ސަޕޯޓަރުން ގެންދިޔައީ އިދިކޮޅުގެ ހަރަކާތްތަކުގައި ސަރުކާރަށް ފާޑުކިޔުމަށް މިހާރު އާއްމުކޮށް ބޭނުންކުރަމުންދާ "ފެލާލައިފި" ލަވަ ޖަހަމުންނެވެ.

Raees Ibu Meedhoo ah vadaigathumun Raees Yameen ah koffaivaa nuhaqqu hukum baathilukoh minivan kurumah govaalaa muzaaharaa kuranee! Meedhoo akee varah bodah tharaggee ah loabikuraa rasheh! Rayyithunge ummeedhuthakaa gulhifaivanee PPMPNC ge candidate Raees Yameen aakan haamavey! pic.twitter.com/SBM80b57ms

— Adam Shareef Umar (@Adamshareefz) January 6, 2023

ރައީސް ޔާމީން ޢަބްދުލްޤައްޔޫމުގެ މައްޗަށް ދައުލަތުން އުފުލި ދެ ދައުވާއެއް ސާބިތުވާކަމަށް ކަނޑައަޅައި ކުރިމިނަލް ކޯޓުން އިއްވި 11 އަހަރުގެ ޖަލު ހުކުމް ބާތިލުކުރުމަށް ގޮވައިލާ އިދިކޮޅުން ސިލްސިލާ ގޮތެއްގައި މާލޭގައި މުޒާހަރާކުރަން އެ ހުކުމް ކުރި ދުވަހުގެ ރެއިން ފެށިގެން މާލޭގެ އިތުރުން ރަށްރަށުގައިވެސް އަންނަނީ ކުރަމުންނެވެ.

ރައީސް @ibusolih މާޅޮސްމަޑުލު އުތުރުބުރިއަށް ކުރައްވާ ދަތުރުގެ ދުވަހުގެ ފަހު މަންޒިލް – ރ. މީދޫ.

މީދޫ ބަނދަރުމަތިން ރައީސް އިބޫ އަށް ހޫނު މަރުހަބާއެއް#MDPKuriah #Ibu2023 pic.twitter.com/KPq4UarGwi

— MDP Kuriah (@MDPKuriah) January 6, 2023

އެގޮތުން ކޮންމެ ރެޔަކު އިދިކޮޅު އިއްތިހާދުން ބާއްވަމުން އަންނަ މުޒާހަރާގައި އެ އިއްތިހާދުގައި ހިމެނޭ ދެ ޕާޓީގެ ލީޑާޝިޕުގެ ބޭފުޅުންވެސް އަންނަނީ ބައިވެރިވެވަޑައިގަންނަވަމުންނެވެ.

ރައީސް މިރޭ މީދޫގައި ބާއްވަވާ ޖަލްސާއެއްގައި ވާހަކަފުޅުދެއްކެވުމަށް ވަނީ ހަމަޖެހިފައެވެ. ރ. އަތޮޅުގައި ކެމްޕެއިން ނިންމަވާލެއްވުމަށް ފަހު އެމަނިކުފާނު މާދަމާ ނ. އަތޮޅަށް ވަޑައިގަންނަވާނެއެވެ.