2023 ވަނަ އަހަރަށް މަރުހަބާ ކިޔުމުގެ ގޮތުން ހަވާ އެރުވުމުގެ ހަރަކާތްތަކާއެކު "މޯލްޑިވްސް ވާއު ފެސްޓް" ގެ ނަމުގައި ކުރިއަށް ގެންދިޔަ ޝޯބެލުމަށް 20،000 އާއި ގާތްކުރާ އަދަދަކަށް މީހުން ދިޔަކަމަށް ޔޫތު މިނިސްޓަރ އަހުމަދު މަހުލޫފް ވިދާޅުވެއްޖެއެވެ.
މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްއިން އިންތިޒާމުކޮށްގެން ހުޅުމާލެ ސިންތެޓިކް ޓްރެކްގައި ބޭއްވި މި ޝޯވ ބަލާލުމަށް އާއްމުންގެ ގިނަ ބަޔަކު ހާޒިރުވިއެވެ. އާއްމުންގެ އިތުރުން ދައުލަތުގެ ބައެއް ވަޒީރުންނާއި މަޖިލީހުގެ ބައެއް މެންބަރުންގެ އިތުރުން ރާއްޖޭގައި ތިބޭ ބޭރުގެ ބައެއް ސަފީރުންވެސް ވަނީ މި ޝޯވް ބައްލަވާލެއްވުމަށް ވަޑައިގެންފައެވެ.
ރޭގެ ޝޯއާއި ގުޅިގެންނާއި، އަދި ލަވަޔާއި މިއުޒިކާއި ގުޅޭގޮތުން ދެކެވޭ އެކި ވާހަތަކާއި ގުޅިގެން މަހުލޫފް ކުރެއްވި ޓުވީޓުގައި ވިދާޅުވީ ދިވެހިންގެ ތެރެއިން އެތައްހާސް ބަޔަކު ލަވަޔާއި މިއުޒިކަށް ޝައުގުވެރިކާން ރޭ ހާމަވެގެން ދިޔަކަމަށެވެ. ރޭގެ ޝޯ ބަލަން އެކަނިވެސް 20،000 އާއި ގާތްކުރާ އަދަދަކަށް މީހުން ދިޔަކަށް މަހުލޫފް ވިދާޅުވިއެވެ.
ރާއްޖޭގައިވެސް މިޔުޒިކް ކުޅެ އަދި އަޑުއަހާލަން ބޭނުންވާ އެތައްހާސް ރައްޔިތުންނެއް އުޅޭކަމީ ހަގީގަތް، އެފުރުސަތު އެރައްޔިތުންނަށްވެސް އޮންނަންވާނެ. ރޭގެ ޝޯވް ބަލާލަން 20،000 އާއި ގާތްކުރާ އަދަދަކަށް ހުޅުމާލެ ޓްރެކް އެއްކޮށް ފުރާލި. އައު އަހަރުގެ ތަހުނިޔާ އަރިސްކުރަން.
– މަހުލޫފް ވިދާޅުވިއެވެ.
ރާއްޖޭގައިވެސް މިޔުޒިކް ކުޅެ އަދި އަޑުއަހާލަން ބޭނުންވާ އެތައްހާސް ރައްޔިތުންނެއް އުޅޭކަމީ ހަގީގަތް، އެފުރުސަތު އެރައްޔިތުންނަށްވެސް އޮންނަންވާނެ.
ރޭގެ ޝޯވް ބަލާލަން 20000 އާއި ގާތްކުރާ އަދަދަކަށް ހުޅުމާލެ ޓްރެކް އެއްކޮށް ފުރާލި.
އައު އަހަރުގެ ތަހުނިޔާ އަރިސްކުރަން. ❤️ pic.twitter.com/1NnXZbW0vu
— Ahmed Mahloof (@AhmedMahloof) January 1, 2023
އައު އަހަރަށް މަރުހަބާކިޔުމައް ބޭއްވި މި ޝޯގައި ވަނީ ބޮލީވުޑްގައި އަރަމުންއަންނަ ލަވަކިޔުންތެރިޔާ ޕަވްނީ ޕާންޑޭގެ ލަވަތަކެއް ހުށައަޅާފައެވެ. މީގެ އިތުރުން ލަވަކިޔުންތެރިޔާ ރާހުލް ބަޓްގެވެސް ހިއްގައިމު ލަވަތަކެއް ވަނީ ހުށަހަޅާފައެވެ.
މިޝޯގައި ރާއްޖޭގެ ފައްނާނުންގެ ހިތްގައިމު ހުށަހެޅުންތަކެއްވެސް ވަނީ ފެނިގެން ގޮސްފައެވެ. އޭގެ ތެރޭގައި ހަބޭސް ބޮޑުބެރު ގްރޫޕް، ފިއުޝަން އަދި ހަބޭސް ލެވިޓޭޝަންގެ ހިތްގައިމު ހުށަހެޅުންތަކެއް ފެނިގެންދިޔައެވެ. އަދި މި ޝޯވް ގެ ތެރެއިން ވަނީ އައު އަހަރުގެ ކައުންޓްޑައުން ފަށާ، ހަވާގެ އެރުވުމާއެކު 2023 ވަނަ އަހަރަށް މަރުޙަބާ ކިޔާފައެވެ.
ކޮމެންޓު ފޮނުވާ