އައްޑޫސިޓީ ހުޅުމީދޫގައި ތާރު އެޅުމަށް ބޭނުން ކުރާ ތަކެތި ގުދަން ކޮށްފައި ހުރި ސަރަހައްދުގައި ހުކުރުދުވަހުގެރޭ އަލިފާން ރޯވި ޙާދިސާއަކީ ބަޔަކު ގަސްތުގައި ރޯކޮށްލުމުން ހިނގި ޙާދިސާއެއްކަމުގެ ތުހުމަތު އައްޑޫސިޓީ ހުޅުދޫ ކައުންސިލަރު ހުސައިން ފައިޒު ރަހުމާން ތުހުމަތުކޮށްފިއެވެ.
ބައެއް މީޑިއާތަކަށް މަޢުލޫމާތުދެއްވަމޖން ކައުންސިލަރު ހުސައިން ފައިޒު ރަހުމާން ތުހުމަތުކޮށްފައިވަނީ، ބޮޑަށް ބެލެވެނީ އެއީ ބަޔަކު ގަސްދުގައި ކުރި ކަމެއްގެގޮތުގައެވެ. ތާރަކީ އަމިއްލަ އަށް ރޯވާ އެއްޗެއް ނޫންކަން ފާހަގަކޮށް އޭނާ ބުނެފައިވަނީ އެ ސަރަހައްދަކީ ފުދޭވަރަކަށް ރުއް ގިނަ ސަރަހައްދެއް ކަމަށާ، ބަޔަކު ގަސްތުގައި ރޯކޮށްލިކަމަށް ތުހުމަތުކުރެވޭކަމަށެވެ.
އޭނާ މިހެން ބުންޏަށް ކަމާބެހޭ އެއްވެސް މުއައްސަސާއަކުން މިފަދަ މަޢުލޫމާތެއް އަދި ހާމައެއް ނުކުރެއެވެ.
އައްޑޫސިޓީ ހުޅުމީދޫގައި ތާރު އެޅުމަށް ބޭނުން ކުރާ ތަކެތި ގުދަން ކޮށްފައި ހުރި ސަރަހައްދުގައި އަލިފާން ރޯވީ ހުކުރުދުވަހުގެރޭގައެވެ. އެމްއެންޑީއެފްއިން ބުނެފައިވަނީ މިހާދިސާގެ ރިޕޯޓް ލިބިފައިވަނީ އެރޭ 8:3 ގައި ކަމަށެވެ. އަލިފާން ނިނއްވާލާފައިވަނީ ސިފައިންނެވެ.
މައުލޫމާތު ލިބިފައިވާ ގޮތުގައި މިހާދިސާ ހިނގާފައިވަނީ ހުޅުދޫ ދާތު އެޅުމަށް ބޭނުން ކުރާ ތަކެތި ގުދަން ކޮށްފައި ހުރި ސަރަހައްދުގައެވެ.
އެ ސަރަހައްދުގައި އަލިފާން ރޯވެފައިވަނީ ހުކުރުދުވަހު ހަވީރުގެ ވަގުތެއްގައެވެ. އެމްއެންޑީއެފުން ވަނީ އަލިފާން އޭރު ނިއްވާލާފައެވެ. ނަމަވެސް ފަހުން އަނެއްކާވެސް އެ ސަރަހައްދުގައި އަލިފާން ވަނީ ރޯވެފައެވެ.
