އައްޑޫސިޓީ ހުޅުމީދޫގައި ތާރު އެޅުމަށް ބޭނުން ކުރާ ތަކެތި ގުދަން ކޮށްފައި ހުރި ސަރަހައްދުގައި އަލިފާން ރޯވެއްޖެއެވެ.
އެމްއެންޑީއެފްއިން ބުނެފައިވަނީ މިހާދިސާގެ ރިޕޯޓް ލިބިފައިވަނީ މިރޭ 8:3 ގައި ކަމަށެވެ. އަލިފާން ނިނއްވާލުމުގައި ސިފައިން ހަރަކާތްތެރިވަމުންދާކަމަށް އެއިދާރާއިން ވަނީ ބުނެފައެވެ.
މައުލޫމާތު ލިބިފައިވާ ގޮތުގައި މިހާދިސާ ހިނގާފައިވަނީ ހުޅުދޫ ދާތު އެޅުމަށް ބޭނުން ކުރާ ތަކެތި ގުދަން ކޮށްފައި ހުރި ސަރަހައްދުގައެވެ.
އެ ސަރަހައްދުގައި އަލިފާން ރޯވެފައިވަނީ މިއަދު ހަވީރުގެ ވަގުތެއްގައި ކަމަށްވާއިރު އެމްއެންޑީއެފުން ވަނީ އަލިފާން އޭރު ނިއްވާލާފައެވެ. ނަމަވެސް ފަހުން އަނެއްކާވެސް އެ ސަރަހައްދުގައި އަލިފާން ވަނީ ރޯވެފައެވެ.
އަލިފާން ރޯވިތާ 20 މިނެޓް ވެފައިވާއިރު އަލިފާންގަނޑު އިތުރަށް ބޮޑުވެފައިވާ ކަމަށް މައުލޫމާތު ލިބެ އެވެ. އަލިފާން ނިއްވުމަށް އެމްއެންޑީއެފުން މިހާރު އަންނަނީ އެ ސަރަހައްދުގައި ހަރަކާތްތެރިވަމުންނެވެ. މި ހާދިސާ ހިނގަން މެދުވެރިވި ސަބަބެއް އަދި މިހާތަނަށް އެނގިފައެއް ނުވެއެވެ.
