އެގްރިކަލްޗަރ މިނިސްޓްރީން ކުރިއަށްގެންދާ ފުޑް ސެކިއުރިޓީ ޕްރޮޤްރާމުގެ ދަށުން ތިލަދުންމަތީ ދެކުނުބުރީގެ 6 ރަށަށް ގަސް ހަދިޔާކުރުމުގެ ޕްރޮޤްރާމެއް ފަށައިފިއެވެ.
ފިޝަރީޒް މިނިސްޓްރީން ވިދާޅުވީ މިޕްރޮޤްރާމްގެ ދަށުން ޖަބުރޯލު ، ފަތްކެޔޮ ، ބަބުކެޔޮ، އަލަ، އަދި މުރަނގަހުގެ މުޑުވަތް އެކުލެވޭހެން ޖުމްލަ 2525 މުޑުވަތް ރަށްރަށަށް ދެވޭނެކަމަށެވެ.
މި ޕްރޮގްރާމުގެ ދަށުން ދޫކުރާ ގަސް ނުވަތަ މުޑުވައް ދޫކުރާނީ ރަށްރަށުގެ ހުރިހައި ގޭބީސީތަކަކަށެވެ. ކޮންމެ ރަށެއްގެވެސް ކައުންސިލް މެދުވެރިކޮށް ގޭގެއަށް ގަސްތައް ފޯރުކޮށްދިނުމަށް ހަމަޖެހިފައިވެއެވެ. މިޕްރޮގްރާމްގެ ދަށުން އެގްރިކަލްޗަރ މިނިސްޓްރީން ވަނީ މީގެކުރިންވެސް ރާއްޖޭގެ އެކި ރަށްތަކަށް ކެއުމަށް ބޭނުންވާ ތަކެތި އަޅާ ގަސްތައް ހަދިޔާކޮށްފައެވެ.
ފުޑް ސެކިއުރިޓީ ޕްރޮޤްރާމުގެ ދަށުން ތިލަދުންމަތީ ދެކުނުބުރީ ގެ 6 ރަށަށް ގަސް ހަދިޔާކުރުމުގެ ޕްރޮޤްރާމް ކުރިއަށް އެބަދެއެވެ. މިޕްރޮޤްރާމްގެ ދަށުން ޖަބުރޯލު ، ފަތްކެޔޮ ، ބަބުކެޔޮ، އަލަ، އަދި މުރަނގަހުގެ މުޑުވަތް އެކުލެވޭހެން ޖުމްލަ 2525 މުޑުވަތް ދެވޭނެއެވެ. pic.twitter.com/lMDc0uTyA0
— Min. of Fisheries, Marine Resources & Agriculture (@MoFMRAmv) December 27, 2022
މި ޕްރޮގްރާމްގެ ދަށުން މިއަހަރު މުޑުވަތް ދިނުމަށް ހަމަޖެހިފައިވަނީ ނޮޅިވަރަމް، ކުމުންދޫ، ނޭކުރެންދޫ، ކުޅުދުއްފުށި، ވައިކަރަދޫ، އަދި ނެއްލައިދޫ އަށްކަމަށްވެސް އެގްރިކަލްޗަރ މިނިސްޓްރީން ވިދާޅުވެއެވެ.
