ވޯލްޑްކަޕްގެ ފައިނެލް މެޗް ބަލާލުމަށް ދިއަ އެތަށް ހާސް މީހެއްގެ ތެރޭގައި ބޮލީވުޑްގެ ކިންގް ހާން ޝާހުރުކް ހާން ހިމެނެއެވެ. ވޯލްޑް ކަޕް ބެލުމުގެ އިތުުރުން އޭނާ ދިއަ އެހެން މަގުސަދެއްވެސް ވެއެވެ.
އެއީ އަންނަ ޖެނުއަރީ މަހުގައި ރިލީޒް ކުރާ ޝާހުގެ ފިލްމް "ޕަޓާން" ގެ ޕްރޮމޯޝަނެވެ. މި ފިލްމް ރިލީޒް ކުރުމަށް ހަމަޖެހިފައިވަނީ އަންނަ ޖެނުއަރީ މަހުގެ 25 ވަނަ ދުވަހުގައިއެވެ.
"ޕަޓާން" ގެ ޕްރޮމޯޝަންގައި ޝާހުއާއި އެކު ބައިވެރި ވެފައިވަނީ އިނގިރޭސި ވިލާތުގެ ގައުމީ ޓީމިގެ ކުރީގެ ކެޕްޓަން ވޭން ރޫނީ އެވެ. އެމީހުން ފިލްމް ޕްރޮމޯޓްކުރި ގޮތް ގިނަ ބަޔަކަށް ވަނީ ވަރަށް ކަމުގޮސްފައިއެވެ.
ޝާހު ވަނީ ޕްރޮމޯޝަންގެ ތެރެއިން ޕަޓާނަކީ ކޮބައިކަން ރޫނި އަށް ކިޔައިދީފައިއެވެ. އަދި ފުޓްބޯޅައިގެ "ޕަޓާން" އަކީ ރޫނީ ކަމަށް އޭނާވަނީ ބުނެފައިއެވެ. ޝާޙު ވަނީ ރޫނީ އަށް ވަރަށް ބޮޑަށް ތައުރީފް ކޮށްފައިއެވެ.
ހަަމަ އެފަދައިން ރޫނީވެސް ވަނީ ޝާހު އަށް ވަރަށް ބޮޑަށް ތައުރީފްކޮށްފައިއެވެ. އޭނާ ބުނީ ޝާހުއަކީ ވަރަށް ކަމުގޮއްސި ކަމަށާއި ވަރަށް މަޖާ މީހުންނާ ގުޅޭ މީހެއް ކަމަށެވެ. އަދި މި ފަހުން އޭނާއަކީ ޝާޙުގެ ސުޕަ ފޭނެއް ކަމަށްވެސް ރޫނީ ވަނީ ބުނެފައިއެވެ.
𝘛𝘩𝘢𝘵'𝘴 𝘵𝘩𝘦 𝘞𝘢𝘺𝘯𝘦, 𝘮𝘢𝘢𝘩𝘪 𝘞𝘢𝘺𝘯𝘦! 🤩#SRK #Rooney #FIFAWorldCup | @WayneRooney @iamsrk @anantyagi_ pic.twitter.com/WGrhgWLtiB
— JioCinema (@JioCinema) December 18, 2022
"ޕަޓާން" އަކީ ޝާހުގެ ފްލޮޕް ފިލްމް 2018 ގެ "ޒީރޯ" އަށް ފަހު އޭނާ އެނބުރި އައުން ފާހަގަ ކުރާ ފިލްމްއެވެ. ފިލްމް އަކީ ދީޕިކާ އާއި އެކުގައި އޭނާ ކުޅޭ 4 ވަނަ ފިލްމއެވެ. މީގެ ކުރިން އޭނާ އާއި ދީޕިކާ އާއި އެކުގައި ކުޅުނު ހުރިހާ ފިލްމްއެއްވެސް ވަނީ ސުޕަ ހިޓު ވެފައިއެވެ.
