ކުރިއަށް އޮތް ރިޔާސީ އިންތިޚާބުގެ ނަތީޖާ ވަރަށް ސާފުކަމަށާއި، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ކުރިއަށް އޮތް ދައުރަށްވެސް ހޮވިވަޑައިގަންނަވާނެކަމަށް ފޭދޫ ދާއިރާގެ މެންބަރު މުޙައްމަދު ނިހާދު ވިދާޅުވެއްޖެއެވެ. އެމްޑީޕީގެ ރިޔާސީ ޕްރައިމަރީގައި ވާދަކުރެއްވުމުގެ ފުރުޞަތު އެޕާޓީން މިއަދު ހުޅުވާލުމާއި ގުޅިގެން ނިހާދު ކުރެއްވި ޓްވީޓްގައި ވިދާޅުވީ ޕާޓީގެ ޕްރައިމަރީއަށް ހުލުވާލާފައިވާަމަށާއި، އެމްޑީޕީން އަމަލުކުރަމުންދާ ގޮތައި އެއްވެސް ތަފާތެއް ނެތްކަމަށް ނިހާދު ވިދާޅުވިއެވެ.

އޭނާ ވިދާޅުވީ ބަހަނާ ނުދައްކާ ކުރިމަތިލައްވަން ބޭނުންފުޅުވާ ބޭފުޅުން ކުރިމަތިލައްވަންވީކަމަށެވެ. އޭނާ އެ އިޝާރާތްކުރެއްވީ ރައީސް ނަޝީދަށްކަމަށް ބެލެވެއެވެ.

ނިހާދު ވިދާޅުވީ އިންތިޚާބުގެ ނަތީޖާ ވަރަށް ސާފުކަމަށާއި، އެކަން އިއްޔެގެ ނަތީޖާއިންވެސް ސާފުކަމަށެވެ. އިއްޔެ ބޭއްވި މަތިއުތު ޕްރޮވިންސްގެ ރައީސްކަމަށް އިންތިޚާބުވެފައިިވަނީ ރައީސް ޞާލިޙް ފެކްޝަނަށް ނިސްބަތްވާ، އަދި ޕްލޭނިން މިނިސްޓްރީގެ ސްޓޭޓް މިނިސްޓަރ އަކްރަމް ކަމާލުއްދީނެވެ. ނިހާދު ވިދާޅުވީ ރައީސް ޞާލިޙް ހޮވޭނެކަމަށާއި، އެމްޑީޕީގެ ވެރިކަމެއް ބޭނުންވާކަމަށެވެ.

Mi vanee primary iulaan kurevifa! MDP in amalu kuramun dhaa gothaai Evves thafaatheh Neih! Bahanaa nudhakkaa, kurimathi lavvuvan Beynhun beyfulhun lahvaa kurimathi lahvuvan vee! Inthihaab ge natheejaa Iyye ge Inthihaab in Ves Saafu! Raees Solih hoveyne! MDP verikameh Beynhun!!!

— Feydhoo Meehaa (Mohamed Nihad) (@nihad_m) December 18, 2022

އެމްޑީޕީގެ ޕްރައިމަރީގައި ވާދަކުރައްވާނެކަން ރައީސް އިބްރާހީމް މުޙައްމަދު ޞާލިޙް މީގެ ކުރިން އިއުލާންކުރއްވާފައިވެއެވެ. އަދި ރައީސް ނަޝީދުވެސް މިއަދު ވަނީ ރަސްމީކޮށް ޕްރައިމަރީގައި ވާދަކުރައްވާނެކަން އިއުލާންކުރައްވާފައެވެ. އެމްޑީޕީގެ ޕްރައިމަރީ އޮންނާނީ ޖެނުއަރީ 28ގައެވެ. މިމަހުގެ 24ގެ ކުރިން ވާދަކުރައްވާ ކެނޑިޑޭޓުން ޕާޓީއަށް ނަން ހުށައަޅަންޖެހެއެވެ.

ރިޔާސީ އިންތިޚާބު އޮންނާނީ އަންނަ އަހަރުގެ ސެޕްޓެމްބަރު މަހުއެވެ.