ބޭންކް އޮފް މޯލްޑިވްސ (ބީއެމްއެލް)ގައި ހުންނަ ދިވެހިރައްޔިތުންގެ ފައިސާއަށް ވާނުވާއެއް ނޭނގޭ މައްސަލަތައް އިތުރުވެފައިވަކަމަށްބުނެ އިދިކޮޅު ޕީޕީއެމް/ޕީއެންސީގެ އިސްވެރިން ބީއެމްއެލްގެ ހެޑް އޮފީސްދޮށަށް އެއްވެއްޖެއެވެ.
ޕީޕީއެމްއިން ބުނީ ރައްޔިތުންގެ ފައިސާއަށް ވާނުވާ ނޭނގުމާއި، ޑޮލަރު ލިބުމުގެ ދަތިކަމުންނާއި، ބީއެމްއެލްގައި ހުންނަ ރައްޔިތުންގެ އަމިއްލަ ފައިސާ ބޭނުން ނުކުރެވުމާއި، ފައިސާނަގަން ލިމިޓޭޝަންސްތައް ހުރުމުންނާއި، ސްކޭމްތައް އިތުރުވެ ރައްޔިތުންގެ ކަންބޮޑުވުން އިތުރުވެފައިވާތީ ޕީޕީއެމް ޕީއެންސީން މިއަދުވަނީ ބީއެމްއެލްގެ އިސްވެރިންނާ ބައްދަލުކުރުމަށް ވަޑައިގެންފައިކަމަށެވެ.
ރައްޔިތުންގެ ފައިސާއަށް ވާނުވާ ނޭނގުމާއި، ޑޮލަރު ލިބުމުގެ ދަތިކަމުންނާއި، ބީއެމްއެލްގައި ހުންނަ ރައްޔިތުންގެ އަމިއްލަ ފައިސާ ބޭނުން ނުކުރެވުމާއި، ފައިސާނަގަން ލިމިޓޭޝަންސްތައް ހުރުމުންނާއި، ސްކޭމްތައް އިތުރުވެ ރައްޔިތުންގެ ކަންބޮޑުވުން އިތުރުވެފައިވާތީ ޕީޕީއެމް ޕީއެންސީން 1/3 pic.twitter.com/JEPAFCCnDT
— Progressive Party of Maldives (@ProgressPartyMV) December 18, 2022
މީގެ އިތުރުން ބީއެމްއެލްއާއި ބައްދަލުކުރަނީ އެމްއެމްއޭގެ ގަވަރަނަރާއި ބޭއްވި ބައްދަލުވުމުގައި ދެއްކެވި ވާހަކަފުޅާއި ގުޅިގެން އުފެދިފައިވާ ކަންބޮޑުވުންތަކާވެސް ގުޅިގެންކަމަށް ޕީޕީއެމްއިން ބުނެއެވެ.
އެހެންނަމަވެސް މިއަދު އިދިކޮޅު ފަރާތްތަކަށް ބީއެމްއެލްގެ އިސް ބޭފުޅުންނާ ބައްދަލުވާގޮތް ވަނީ ނުވެފައެވެ. ޕީޕީއެމްއިން ވަނީ މިކަންކަމާއި ގުޅިގެން މަޝްވަރާކުރެއްވުމަށް މާދަމާ 13:00އަށް ޕްރޮގްރެސިވް ކޮންގްރެސް ކޯލިޝަންގެ ލީޑަރޝިޕުން ބީއެމްއެލްއަށް ވަޑައިގެންނެވުމަށް ވަނީ ހަމަޖެހިފައިކަމަށް ބުނެފައެވެ.
ކޮމެންޓު ފޮނުވާ