ބޮލީވުޑްގެ ދެ ތަރިން ކަމުގައިވާ ޝްރައްދާ ކަޕޫރް އާއި ރަންބީރު ކަޕޫރް އެކުގައި ފެނިގެންދާ ފިލްމް ގެ ޓީޒާ އެއް ދައްކައިލައިފިއެވެ.
މި ފިލްމް އަކީ ޝްރައްދާ އާއި ރަންބިރު އެކުގައި ފެނިގެންދާ ފުރަތަމަ ފިލްމްއެވެ. ލަވް ރަންޖަން ޑައިރެކްޓް ކުރާ މި ފިލްްމްއަކީ މީގެ ކުރިން ނަމެއްދީގެން އުފެއްދި ފިލްްމއެއް ނޫނެވެ. ނަމަވެސް ނަމާއި އެކުގައި ޓީޒާ ވަނީ ސޯޝަލް މީޑިއާގައި މިހާރު ހިއްސާކޮށްފައިއެވެ.
ދެހާސް ނަވާރައިގައި އިއުލާންކުރި ފިލްމުގެ ޝޫޓިން މިހާރު ނިންމައިލައިފައިވާއިރުގައި މި ފިލްމުގެ ނަމަކީ "ތޫ ޖޫޓީ މޭ މައްކާރް" އެވެ. ލަވް އަކީ "ސޯނޫ ކީ ޓިޓޫ ކީ ސްވީޓީ" ގެ ޑައިރެކްޓަރެވެ.
މި ފިލްމް އަކީ މަޝްހޫރު އެކްޓަރު އަނިލް ކަޕޫރްގެ ބޭބެ އަދި ކުރީގެ ބަތަލާ ސްރީދޭވީގެ ފިރިމީހާ ބޯނީ ކަޕޫރް އަލަށް ފެންނަ ފިލްމްއެވެ. އަދި މީގެ ކާސްޓުގައި ޑިމްޕަލް ކަޕާޑިއާ ވެސް ހިމެނެ އެވެ.
"ތޫ ޖޫޓީ މޭ މައްކާރް" އާ ބެހޭ ގޮތުން ރަންބީރް ދާދި ފަހުން ބުނެފައި ވަނީ މިއީ އޭނަގެ އެންމެ ފަހު ރޮމޭންޓިކް ކޮމެޑީ އަށް ވެދާނެ ކަމަށެވެ. މި ފިލްމް ރިލީޒް ކުރުމަށް ތާވަލް ކޮށްފައިވަނީ އަންނަ އަހަރުގެ މާޗް 8 ގަ އެވެ.
ކޮމެންޓު ފޮނުވާ