ހޯރަފުށްޓާއި މާލެ އާ ދެމެދު އަންނަ ބުރާސްފަތި ދުވަހު ޝެޑިއުލް ދަތުރުތަށް ފަށާނެ ކަމަށް ގައުމީ އެއަރލައިނުން ހާމަކޮށްފިއެވެ.
މިކަމާއި ގުޅޭ ގޮތުން ގައުމީ އެއަރލައިން މޯލްޑިވިއަނުން ބުނީ ޝެޑިއުލް ދަތުރުތަށް 26 ވަނަ ދުވަހު ފެށުމަށްފަހު ފަހު ޑިސެމްބަރު މަހުން ފެށިގެން ހަފްތާއަކު 3 ފްލައިޓު ބާއްވާނެ ކަމަށެވެ. ނަމަވެސް އެއީ ހަފްތާގެ ކޮން ދުވަސް ތަކެއް ގައި ކަމެއް އަދި ހާމަކޮށްފައެއް ނުވެއެވެ. މޯލްޑިވިއަނުން ބުނީ ދުވަސްތައް ކަނޑައަޅާނީ ޑިމާންޑް އޮންނަ ގޮތެއް ބެލުމަށް ފަހު ކަމަށެވެ.
Introducing Hoarafushi – Effective 26th November 2020 #Maldivian #TheNationalAirline pic.twitter.com/iuvaF2NMrJ
— Maldivian (@MaldivianAero) November 22, 2020
ރާއްޖޭގަ އެންމެ އުތުރުގައި ތަރައްގީކޮށްފައި ވާ މި އެއަރ ޕޯޓަށްވެސް ގާތްގަނޑަކަށް އުތުރުގެ އަނެއް ދެ އެއަރޕޯޓް ކަމަށްވާ، ކުޅުދުއްފުށްޓާއި، ހަނިމާދޫ އަށް ދެވޭ އަގާއި އެއްވަރު އަގެއްގައި ދެވޭނެ ކަމަށް މޯލްޑިވިއަން ބުނެއެވެ.
ހޯރަފުށީ ފަޅުގައި ހިއްކި ސަރަހައްދުގައި 198 މިލިއަން ރުފިޔާ ޚަރަދުކޮށްގެން ތަރައްގީކުރި މި އެއާޕޯޓު، މިދިޔަ ބުރާސްފަތި ދުވަހު ރަސްމީކޮށް ހުޅުއްވައިދެއްވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހެވެ.
ހޯރަފުށީ ގެ ދަތުރުތަށް ފެށުމުން ގައުމީ އެއަރލައިނުން ޑޮމެސްޓިކް ދަތުރު ކުރާ އެއަރޕޯޓުގެ އަދަދު 16 އަށް އަރާނެއެވެ.
ކޮމެންޓު ފޮނުވާ