ދިވެހިރާއްޖެ އަށް 1988 ވަނަ އަހަރުގެ ނޮވެމްބަރ 03 ވަނަ ދުވަހު ދިން ހަމަލާގެ ފަހަތުގައި ހަރަކާތްތެރިވިކަމަށް ސާބިތުވެފައިވާ ސިއްކަ އަހްމަދު އިސްމާއިލް ރާއްޖެއަށް އައިސްފިއެވެ.
2000 ގެ ކުރީ ކޮޅުން ފެށިގެން ރާއްޖޭގެ ސިޔާސީ މަސްރަހަށް އަންނަމުންދިޔަ ބަދަލުތަކާއިއެކު ސިއްކަ އަހުމަދު އިސްމާއިލް ވަނީ ދިރިއުޅުން ކޮޅުބަށް ބަދަލުކޮށްފައެވެ. ގިނަ ދުވަސްތަކެއް ވަންދެން ކޮޅުބުމުގައި އުޅުއްވުމަށްފަހު ސިއްކަ އަހުމަދު މާލެ އައިސްފައިވަނީ އަނބިކަނބަލުންގެ ހާލުކޮޅު ބޮޑުވުމުންނެވެ.
ސިއްކަ އަހުމަދު އިސްމާއިލަކީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ އަނބިކަނބަލުން ފަޒްނާ އަހުމަދުގެ ބައްޕާފުޅެވެ. ސިއްކަ މާލެ އައުމަށްފަހު ހުންނަވަނީ މ. ދީފްރަމްގޭގައެވެ. އިއްޔެ އޭނާގެ އާއިލާއިން އެ ގެއަށް ޒިޔާރަތްކޮށްފައި ވެސް ވެއެވެ.
ސިއްކަ އަހުމަދު އިސްމާއިލްއަކީ ރައްޔިތުން މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދުގެ ބޮޑުބޭބެއެވެ. އުދުވާނީ ހަމަލައިގައި ބައިވެރިވިކަން ސިއްކަ އަހުމަދު އިސްމާއިލް އެކަމަށް އަބަދުވެސް އިއުތިރާޒް ކުރައްވައެވެ. މި އަހަރުގެ ނޮވެމްބަރު 3، ވަނަ ދުވަހާ ގުޅިގެން ނަޝީދު ވަނީ ބޮޑުބޭބޭފުޅު ދިފާއު ކުރައްވައި ވާހަކަ ދައްކަވައިފައެވެ.
03 ނޮވެމްބަރ ހަމަލާ އާއި ގުޅިގެން ސިއްކަ އަހުމަދު އިސްމާއީލް ތަހްގީގަށް ދިން ބަޔާނުގައި އެހަމަލާ ދޭން އުޅޭކަން އޭނާ އަށް މާކުރިން އެނގޭ ކަމަށް އިއުތިރާފުވެފައި ވެއެވެ. އެހަމަލާ އާއި ގުޅިގެން ހާޖަރާގޭ ލުތުފީ ތަހްގީގަށް ދިން ބަޔާނުގައި ވެސް ބުނެފައި ވަނީ ސިއްކަ އަހްމަދު އިސްމާއީލް ސްރީލަންކާގައި އަސްދޫނި ކޮއްޓެއް ހިންގަން ހަތްލައްކަ ރުޕީސް ހަމަލާގެ ކުރިން ދިން ކަމަށެވެ. އެފައިސާ އިން ހަމަލާގެ ކަންކަން ކުރިކަމަށް ލުތުފީ ބުނެއެވެ. އޭގެ އިތުރުން ވެސް ސިއްކަ އަހުމަދު އިސްމާއީލް އެދުވަސްވަރު ލުތުފީ އަށް ގިނަ އަދަދެއްގެ ފައިސާ ދީފައި ވެއެވެ.
ސިއްކަ އަހުމަދު އިސްމާއީލްގެ ދިފާއުގައި ނަޝީދު ވާހަކަދެއްކިއިރު ނޮވެމްބަރ 03 ހަމަލާ ދިނުމުގައި ލުތުފީއަށް އެންމެ ބޮޑަށް ހިޔާލާއި މަޝްވަރާދީ، ސިފައިންގެ މައުލޫމާތުތައް ފޯރުކޮށްދިން އޭރު ސިފައިންގެ މީހެއްގެ ގޮތުގައި ހުރި ޝާހިދާއި އުމަރު ޖަމާލަށް ނަޝީދުގެ ވެރިކަމުގައި ސްޓޭޓް މިނިސްޓަރު ކަން ވެސް ދިނެވެ. ނަސްރުގެ ދުވަސް ފާހަގަ ކުރަން ނަޝީދުގެ ވެރިކަމުގައި ވެސް ސަރުކާރުން ގިނަ ހަރަކާތްތަކެއް ކުރިއަކަށް ނުގެންދެއެވެ.
