ޤަވާއިދާއި ޚިލާފަށް މަސްވެރިކަންކުރަން ރާއްޖެ ސަރަހައްދަށް ވަދެ އުޅުނުތިން ބޯޓު ކޯސްޓުގާޑުގެ ބެލުމުގެ ދަށަށް ގެންގޮސްފިއެވެ. އެމްއެންޑީއެފް ކޯސްޓްގާޑުން ބުނީ ދިވެހިރާއްޖޭގެ ކަނޑުގެ ސަރަޙައްދުގައި ޤަވާއިދާ ޚިލާފަށް މަސްވެރިކަން ކުރަމުންދިޔަ ސްރީލަންކާގެ 3 މަސްބޯޓެއް އެމްއެންޑީއެފް ކޯސްޓްގާޑުގެ ބެލުމުގެދަށަށް ގެންގޮސްފައިވާކަމަށެވެ.
ދިވެހިރާއްޖޭގެ ކަނޑުގެ ސަރަޙައްދުގައި ޤަވާއިދާ ޚިލާފަށް މަސްވެރިކަން ކުރަމުންދިޔަ ސްރީލަންކާގެ 3 މަސްބޯޓެއް އެމްއެންޑީއެފް ކޯސްޓްގާޑުގެ ބެލުމުގެދަށަށް ގެނެސްފި. pic.twitter.com/BHRB5USWHK
— Maldives National Defence Force (@MNDF_Official) December 3, 2022
ރާއްޖޭގެ ޚާއްޞަ އިޤްތިޞާދީ ސަރަޙައްދުގައި ޤަވާޢިދާ ޚިލާފަށް މަސްވެރިކަން ކުރަން އުޅުނު ލަންކާގެ ގިނަ ބޯޓުތަކެއް މީގެ ކުރިންވެސް ހިފަހައްޓާފައިވެއެވެ. ލަންކާގެ އިތުރުން އެހެން ބައެއް ޤައުމުތަކުގެ ބޯޓުތައްވެސް ޤަވާއިދާއި ޚިލާފަށް މަސްވެރިކަން ކުރަން ރާއްޖޭގެ ސަރަހައްދަށް ވަދެއުޅެއެވެ.
އެ ބޯޓުތައް ގިނަފަހަރު ހުއްޓުވަނީ މަސްވެރިކަމަށް ނުކުމެ އުޅޭ ރާއްޖޭގެ މަސް ދޯނިތަކުންނެވެ. އަދި މަސްދޯނިފަހަރުން އެކަން އެމްއެންޑީއެފަށް ރިޕޯޓްކުރެއެވެ.
