ސުޕްރީމްކޯޓުގެ ފަނޑިޔާރު އަލްއުސްތާޛު މަހާޒް އަލީ ޒާހިރުގެ ސުލޫކީ މައްސަލައެއް ބެލުމަށް ޖުޑީޝަލް ސަރވިސް ކޮމިޝަން (ޖޭއެސްސީ)އިން ނިންމައިފިއެވެ.
ޖޭއެސްސީން ބުނީ ފަނޑިޔާރު މަޙާޒުގެ މައްސަލައެއް ބަލަން ނިންމީ ސުޕްރީމް ކޯޓުން ބެއްލެވި އިސްތިއުނާފަކާމެދު އެ ކޯޓުން ހުކުމް ކުރި ގޮތާ ގުޅިގެން އެކަން ފާހަގަކުރުމަށް، އެ އިސްތިއުނާފުގައި ހިމެނޭ ޚަޞްމަކާ ގުޅުން އޮންނަ ފަރާތަކުން ފޮނުވި ފަރީއްކޮޅަކާ މަހާޒް ޙަވާލުވެވަޑައިގެންފައިވާ މައްސަލާގައި ކަމަށެވެ.
މިއީ އެ ޝަރީއަތް ހިންގުމުގައި ބައިވެރިވި ފަނޑިޔާރު އަލްއުސްތާޛު މަހާޒު އަލީ ޒާހިރު ސުލޫކީ މައްސަލައެއްގެ ގޮތުގައި ތަހުގީގުކުރަން ފެންނަކަމަށް އެކޮމިޝަނުން އިއްޔެ ނިންމައި އެ މައްސަލައިގެ ތަހުގީގު ކޮމިޓީ އެކުލަވާލައިފައިވާކަމަށްވެސް ޖޭއެސްސީން ބުނެއެވެ.
މިއީ ރައީސް ޔާމީނުގެ މައްޗަށް ދަށުކޯޓުން ކުރި ޙުކުމް ސުޕްރީމް ކޯޓުން ބާޠިލްކުރުމުގެ އުފަލުގައި މީހަކު ފޮނުވި ކެއުމެއްކަމަށް މަޢުލުމާޔތު ލިބެއެވެ.
