ރައީސް އިބްރާހީމް މުޙައްމަދު ޞާލިޙަކީ ތަފާތުކުރުންތަކާއި ދުރު ރައީސްއެއްކަމަށް ދުވާފަރު ދާއިރާގެ މެންބަރު އިސްމާޢީލް އަޙްމަދު ވިދާޅުވެއްޖެއެވެ.
ރައީސް ނަޝީދަށް ފާޅުގައި ފާޑުވިދާޅުވަމުން ގެންދަވާ ދުވާފަރު ދާއިރާގެ މެންބަރު އިސްމާއީލް އަޙްމަދު (އިއްސެ) ވިދާޅުވީ، އެކު ނުކުންނަވާ ހޯދި ބޮޑު އަޤްލަބިއްޔަތުން ރާއްޖެތެރޭ ރަށްރަށުގައި އެތައް ޒަމާންނެއްގައި ހައްލު ނުހޯދި ހުރި އެތައް މައްސަލަތަކަށް ހައްލު ހޯއްދަވާ ދެއްވާފައިވާކަމަށެވެ. އިއްސެ ވިދާޅުވީ، ރައީސް ސާލިހްއަކީ ތަފާތުކުރުންތަކާއި ދުރު މުޅި ރާއްޖެ ޝާމިލްވާ ތަރައްޤީއަށް ފަރިތަ އެމްޑީޕީވަންތަ ރައީސްއެއްކަމަށެވެ.
އެކު ނުކުންނަވާ ހޯދި ބޮޑު އަޤްލަބިއްޔަތުން ރާއްޖެތެރޭ ރަށްރަށުގައި އެތައް ޒަމާންނެއްގައި ހައްލު ނުހޯދި ހުރި އެތައް މައްސަލަތަކަށް ހައްލު ހޯއްދަވާ ދެއްވައިފި🙏
ރައީސް ސާލިހްއަކީ ތަފާތުކުރުންތަކާއި ދުރު މުޅި ރާއްޖެ ޝާމިލްވާ ތަރައްޤީއަށް ފަރިތަ އެމްޑީޕީވަންތަ ރައީސްއެއް💪#Ibu2023 pic.twitter.com/uJB8MUwqk6
— Ismail Ahmed (@N4Isse11) December 1, 2022
އިއްސެ ވަނީ މީގެ ކުރިންވެސް ރައީސް ނަޝީދަށް ފާޑުވިދާޅުވެ ވާހަކަފުޅު ދައްކަވާފައެވެ. އިއްސެ ވިދާޅުވީ، ލިޔެވިފައި އޮންނަ ހަމަތަކާއި އުސޫލުތައް އޮޅާލައި، ވަކި މީހެއްގެ އަމިއްލަ އެދުން އިސްކުރި އެޖެންޑާއެއް ވަށައި އެނބުރެން ބުނުމަކީ ނަމުރޫދު ސްޓައިލް އޯކޭކަމަށް ބުނުންކަމަށެޗވެ. އިއްސެ ވަނީ ރައީސް ސާލިހް ދުވާފަރު ދާއިރާއަށް ވެވަޑައިގެންފައިވާ ވަޢުދުފުޅުތަކުން ހާސިލުވި ކަންކަން ހިއްސާކުރައްވާފައެވެ.
ރައީސް ނަޝީދުގެ ޕްރައިމަރީ ކެމްޕެއިން ފެށުމަށް ހަމަޖެހިފައިވަނީ ގދ.ތިނަދޫގައެވެ. އެމަނިކުފާނު ވަނީ މިކަމަށްޓަކައި ކިހާރު ކެމްޕެއިން ޓީމެއް ހައްދަވައި އެޓީމާއެކު ބައްދަލުވުންތައް ބާއްވަން ފައްޓަވާފައެވެ.
އެމްޑީޕީގެ ރިޔާސީ ޕްރައިމަރީ ބާއްވާނެ ތާރީޚެއް އަދި އެޕާޓީން ހާމައެއް ނުކުރެއެވެ. އެމްޓީޕީގެ ޗެއާޕާސަންއަކަށް އިކޮނޮމިކް މިނިސްޓަރ ފައްޔާޒު އިސްމާޢީލް ހޮވުމާއެކު ޕާޓީގެ ހުރިހާ ހިސާބެއްގެ ކޮންޓްރޯލް މިވަގުތު އޮތީ ރައީސް އިބްރާހީމް މުޙައްމަދު ޞާލިޙުގެ އަތްޕުޅުގައެވެ. ރައީސް އިބްރާހީމް މުޙައްމަދު ޞާލިޙާއި ރައީސް ނަޝީދުގެ މެދުގައި ޚިޔާލު ތަފާތުވެ ދެބޭފުޅުންނަށް ތާޢީދުކުރާ ޢާމުން މެމްބަރުންނާއި ރައްޔިތުންގެ މަޖިލީހުގެ މެމްބަރުން ވަނީ ދެބަޔަކަށް ބެހި ދެ ފެކްޝަން ހަދާފައެވެ.
ރައީސް އިބްރާހީމް މުޙައްމަދު ޞާލިޙް ވިދާޅުވެފައިވަނީ، ގިނަ ޕާޓީތަކާއެކު ހަދާ ކޯލިޝަނަކުން ނޫނީ އެއްވެސް ބޭފުޅަކަށް އަދި ރާއްޖޭގެ ވެރިކަމަށް ވަޑައިގަނެވޭނެ ގޮތެއް ނެތްކަމަށެވެ. އަދި މިވަގުތު ރާއްޖޭގެ ޙާލަތު އޮތްގޮތުން ގިނަ ޕާޓީތަކުން ކޯލިޝަން ހަދާނެ ހަމައެކަނި ލީޑަރަކަށް ހުންނެވީ އެމަނިކުފާނުކަމަށެވެ. އެހެންކަމުން އެމްޑީޕީން އަންނަ ރިޔާސީ އިންތިޚާބު ކާމިޔާބުކުރަން ބޭނުންވާނަމަ އޮތް ޗޮއިސްއަކީ އެމަނިކުފާނުކަމަށެވެ.
އެހެންނަމަވެސް ރައީސް ނަޝީދު ވިދާޅުވެފައިވަނީ ރައީސް ޞާލިޙަކަށް ތާޢީދު ނުކުރައްވާނެކަމަށެވެ. އަދި ސަރުކާރުގެ ތެރޭގައި ކޮރަޕްޝަނާއި ފަސާދަ އިންތިހާއަށް އެބައޮތްކަމަށާ، ސަރުކާރުގެ ހިންގުން ބޮއްސުންލާފައިވާކަމަށް ނަޝީދައި އޭނާއަށް ތާޢީދުކުރާ މެމްބަރުން ތުހުމަތުކުރެއެވެ.
