ބޮލީވުޑްގެ އެކްޝަން ހީރޯއިންގެ ގޮތުގައި މަޝްހޫރު ދެ ތަރިން ކަމުގައިވާ އަކްޝޭ ކުމާރާއި ޓައިގާ ޝްރޮފްގެ ފިލްމް "ބަޅޭ މިޔާން ޗޯޓޭ މިޔާން" ގެ އަންހެން ލީޑް ރޯލު ޖާންވީ ދޫކޮށްލައިފިއެވެ.
ޖާންވީ މިދިޔަ އޮކްޓޫބަރު މަހު މި ފިލްމްގެ ލީޑް އަށް ސޮއިކޮށްފައިވާކަމަށް މީޑިއާތަކުން ވަނީ ރިޕޯޓުކޮށްފައެވެ. ނަމަވެސް ޖާންވީ އެރޯލު ކުޅެން މިހާރު ބޭނުން ނުވާ ކަމަށާއި އެހެންވެ ފިލްމް ދޫކޮށްލައިފައިވާ ކަމަށް އެންމެ ފަހުގެ ހަބަރުތަށް ވަނީ ބުނެފައިއެވެ. ހަމަ އެއާއިއެކުގައި ޖާންވީގެ ބަދަލުގައި އެހެން ބަތާލާއަކު ހޯދަން ޕްރޮޑަކްޝަން ޓީމުން މަސައްކަތް ފަށާފައިވާ ކަމަށްވެސް މީޑިއާތަކުން ބުނެއެވެ.
ޖާންވީގެ އިތުރުން މި ފިލްމް އަށް ވަނީ ޒުވާން ބަތަލާ މަނުޝީ ޗިއްލަރުވެސް ސޮއި ކޮށްފައިއެވެ. އަދި ސޮނާކްޝީ ސިންހާވެސް މި ފިލްމް އަށް ވަނި ސޮއި ކޮށްފައިއެވެ. ނަމަވެސް އެމީހުން ކުޅޭނީ ޖާންވީގެ ރޯލު ނޫން ކަމަށްވެސް މީޑިއާތަކުން ބުނެއެވެ.
ޖާންވީ ފިލްމު ދޫކޮށްލި ނަމަވެސް، ޖާންވީގެ ވަކިވުމާއި ފައިސާއާއި އެއްވެސް ގުޅުމެއް ނެތެވެ. ނަމަވެސް ޖާންވީ ފިލްމުން ވަކިވީ ސްކްރިޕްޓް ކަމު ނުގޮސްގެން ކަމަށް މީޑިއާތަކުން ރިޕޯޓުކުރެއެވެ. ނަމަވެސް ޖާންވީ ފިލްމް ދޫކޮށްލި އަސްލު ސަބަބު ހާމައެއް ނުކުރެއެވެ.
ޕޫޖާ ފިލްމްސްގެ ތަތްގަނޑުގައި ނެރުމަށް ހަމަޖެހިފައިވާ މި ފިލްމު ރިލީޒް ކުރުމަށް ނިންމާފައިވަނީ އަންނަ އަހަރުގެ ފަހުކޮޅުއެވެ. 1989 ވަނަ އަހަރު ވަނީ މި ނަމުގައި ފިލްމެއް ގެނެސްދީފައެވެ. އެ ފިލްމުން ފެނިގެން ދިއައީ އަމީތާބް ބައްޗަން އާއި ގޯވިންދާއެވެ. ގޯވިންދާ ވަނީ އެ ފިލްމްގައި ޑަބަލް ރޯލު ކުޅެފައެވެ.
އަކްޝޭ އާއި ޓައިގާގެ ފިލްމަކީ ވަރުގަދަ އެކްޝަން ތަރިއްލާއެކެވެ. މީގެ ކުރިން ޓައިގާ ވަނީ ރިތިކާއި އެކު އެކްޝަން ފިލްމެއް ކުޅެފައެވެ. އެއީ 2019 ވަނަ އަހަރުގެ "ވޯރ" އެވެ.
ކޮމެންޓު ފޮނުވާ