"ޓުއަރވިނަލް"ގެ ނަމުގައި އިންޑިއާގެ ފިލްމް އިންޑަސްޓްރީއާއި، ދިވެހި ފިލްމް އެސޯސިއޭޝަން ގުޅިގެން ޘަޤާފީ ފެސްތިވަލެއް ބޭއްވުމަށް ނިންމައިފިއެވެ.
އިންޑިއާގެ ފިލްމް އިންޑަސްޓްރީއާއި، ދިވެހި ފިލްމް އެސޯސިއޭޝަން ގުޅިގެން ކުރިއަށްގެންދާ މިފެސްޓިވަލްއަކީ މިފަދަ ގޮތަކަށް ބޭއްވޭ ފުރަތަމަ އިވެންޓުކަމަށް ޙަރަކާތް އިންތިޒާމުކުރާ ފަރާތުން ބުނެއެވެ.
ކާނިވަލެއްގޮތަށް ކުރިއަށް ގެންދިއުމަށް ރާވައިފާމި ފެސްޓިވަލްގައި ދެގައުމުގެ ސަގާފީ ހުށައެޅުންތަށް އޮންނާނެ ކަމަށްވެއެވެ. އަދި ހަމަ އެހެންމެ މި ކާނިވަލުގައި ދެގައުމުގެ ސެލެބްރިޓީންވެސް ބައިވެރިވާނެކަމަށް ވެއެވެ.
މިކާނިވަލްގައި ސެލެބްރިޓީންގެ މެދުގައި ބާއްވާ ފުޓުބޯޅަ މެޗަކާއި، ދެޤައުމުގެ ޘަޤާފަތް ދައްކުވައިދިނުމާއި، ކާނިވަލްގެ ތެރެއިން މެޑިކަލް އަދި ތަޢުލީމީ ދާއިރާގެ އެކްސްޕޯއެއްވެސް ބޭއްވުމަށްވަނީ ހަމަޖެހިފައެވެ. އަދި ހަމައެއާއިއެކުގައި ފިލްމީ ދާއިރާއިން ޝައުގުވެރިވާ ބައިވެރިންނަށް ފިލްމް މާސްޓަރ ކްލާސްތަކެއްވެސް އޮންނާނެ ކަމަށްވެއެވެ.
ފިލްމް އެސޯސިއޭޝަންއިން ބުނީ މި ޙަރަކާތް ބޭއްވުމަށް ދެފަރާތުން އެއްބަސްވުމެއް އެކުލަވާލުމަށް ހަމަޖެހިފައިވާކަމަށެވެ. ނަމަވެސް މި ފެސްޓިވަލް ބާއްވާނެ ތާރީހެއް އަދި ނޭގެއެވެ.
