ދައުލަތަށް ގިނަ ދުވަހު ޚިދުމަތް ކުރައްވާފައިވާ، އަދި ބްރޯޑްކާސްޓިން ލައިފްޓައިމް އެޗީވްމަންޓް އެވޯޑް ހޯއްދަވާފައިވާ، ކުރީގެ އިންފޯމޭޝަން އެންޑް ބްރޯޑްކާސްޓިން މިނިސްޓަރު ސަމަރުބްލޫ އިބްރާހީމް މަނިކު (ސަމަރޭ) އަވަހާރަވެއްޖެއެވެ.
ޚަބަރު އޮންލައިނަށް މަޢުލޫމާތު ލިބިފައިވާގޮތުގައި އިބްރާހިމް މަނިކު އަވަހާރަވީ ވަރަށް ގިނަދުވަސްތަކެއް ވަންދެން އާލާސްކަންފުޅާ އުޅުއްވުމަށްފަހު އިންޑިއާގެ ބެންގަލޫރުގެ ހޮސްޕިޓަލެއްގައި ފަރުވާ ހޯއްދަވަމުން ގެންދަވަނިކޮށް މިއަދު ހެނދުނުއެވެ.
އިބްރާހީމް މަނިކުނު ނުވަތަ ޢާންމު ނަމުން ސަމަރޭއަކީ ރާއްޖޭގެ ބްރޯޑްކާސްޓިން ޙަޔާތުގައި މުހިންމު ގިނަ މަސައްކަތްތަކެއް ކުރެއްވި ޚިދުމަތްތެރި ބޭފުޅެކެވެ. އެންމެ ބޮޑަށް އޭނާގެ ޚިދުމަތް ފާހަގަކުރެވުނީ ރާއްޖޭގެ އެންމެ ފުރަތަމަ ބްރޯޑްކާސްޓަރު، ދިވެހިރާއްޖޭގެ އަޑު ތަރައްޤީކޮށް ކުރިއެރުވުމުގައެވެ. ޓެކްނިކަލް މަސައްކަތުން ފެށިގެން ޕްރޮގްރާމް ހުށަހެޅުއްވުމާހަމައަށް އެތައް ހަމެއް ސަމަރޭ އަމިއްލަފުޅަށް ކުރެއްވިއެވެ.
އަޑުގެ ވަރަށް މަޝްހޫރު އެތައް ޕްރޮގްރާމެއް އޭނާ ވަނީ ހުށަހަޅުއްވައިދެއްވާފައެވެ. އޭގެތެރެއިން މިހާރުވެސް މެދުކެނޑުމެއްނެތި އަޑުން ގެނެސްދޭ "ބާއްޖަވެރި ހެނދުނެއް" ފާހަގަކޮށްލެވެއެވެ.
ކޮމެންޓު ފޮނުވާ