ސައުތުގެ މަޝްހޫރު އެކްޓަރު ޕްރަބާސް އާއި ކައިވެނި ކުރުމަށް ފުރުސަތު ލިބިއްޖެ ނަމަ އާނ ބަސް ބުނާނެ ކަމަށް ބޮލީވުޑްގެ ޒުވާން ބަތަލާ ކްރިތީ ސެނޮން ބުނެފިއެވެ.
ޕްރަބާސް އާއި ކްރިތީ އެކުގައި އަންނަނީ ފިލްމްއެއްގެ މަސައްކަތް ކުރަމުންނެވެ. އެއީ އަންނަ އަހަރު ޖޫންގައި ރިލީޒް ކުރުމަށް ތާވަލް ކޮށްފައިވާ ފިލްމް "އަދިޕުރުޝް"އެވެ.
މި ފިލްމްގެ ޝޫޓިން ފެށިތާ މާގިނަ ދުވަހެއް ނުވެ މިދެމީހުން ލޯބީގެ ގޮތުން ގުޅިފައިވާ ކަމުގެ އަޑުތަކެއް ވެސް ވަނީ ގަދަވެފައިއެވެ. އަދި މި ދެމީހުންގެ ފޭނުންވެސް އެދެމީހުން ވަރަށް ގުޅޭ ކަމަށް ވަނީ ބުނެފައިއެވެ. މީގެ އިތުރުން ޕްރަބާސް އާއި ކްރިތީ އެކުގައި އެކިތަންތަކުން ނަގާފައިވާ ފޮޓޯ އަދި ވީޑީއޯ ވެސް ވަނީ ސޯޝަލް މީޑިއާގައި އެމީހުންގެ ފޭނުން ހިއްސާ ކޮށްފައިއެވެ.
View this post on Instagram
މި ފަހުން 'ޕިންކް ވިލާ' އަށްދިން އިންތަވިއުއެއްގައި ކްރިތީ ވަނީ ޕްރަބާސް އާއި ގުޅޭ ގިނަ ވާހަކަ ތަކެއް ދައްކައިފައިއެވެ. ވަރަށް ބޮޑަށް ޕްރަބާސް އަށް ތައުރީފް ކުރަމުން ކްރިތީ ބުނީ އޭނާ އަށް ފުރުސަތު ލިބިއްޖެ ނަމަ ޕްރަބާސް އާއި އިންނަން ހުރީ ތައްޔާރަށް ކަމަށެވެ. އަދި ޕްރަބާސް އަކީ ވަރަށް ރަނގަޅު މީހެއް ކަމަށާއި ވަރަށް ކެއާ ކުރާ މީހެއް ކަމަށްވެސް އޭނާ ވަނީ ބުނެފައިއެވެ.
View this post on Instagram
މިހާރު ވަނީ މި ފިލްމްގެ ޓީޒާއެއް ވެސް ބެލުން ތެރިނަށް ދޫކޮށްލައިފައިއެވެ. ހިންދޫ މީތޮލޮޖިކަލް ފިލްމު "އަދިޕުރުޝް"ގެ ޓީޒާގައި، ފިލްމުގެ ލީޑު ތިން ތަރިން ކަމަށްވާ ޕްރަބާސްއާއި ސައިފް އަލީ ޚާނާއި ކްރިތީ ސެނޮން ފިލްމުގައި ފެންނާނެ ގޮތް ވަނީ ދައްކާލައިފައެވެ.
View this post on Instagram
ސައިފް މި ފިލްމުގައި ކުޅެފައިވަނީ ނެގެޓިވް ރޯލެކެވެ. އަދި ހީރޯގެ ގޮތުގައި ޕްރަބާސް ފެނިގެންދާއިރު ކްރިތީ އަކީ އޭނާގެ ލޯބިވެރިޔާއެވެ. މި ތިން ތަރިންގެ އިތުރުން ފިލްމުގެ މުހިންމު ރޯލުތަކުން ސަނީ ސިންގ، ދޭވްދައްތާ ނާގޭ، ވަޓްސަލް ޝެތު، ސޯނަލް ޗޯހަން އަދި ތުރުޕްތީ ތޮރަޑްމާލް ފަދަ ތަރިން ފެނިގެންދާނެއެވެ.
ހިންދީ، ތަމަޅަ، ޓެލެގޫ، ކަންނަޑާ އަދި މަލަޔާލަމް، މި 5 ބަހުން ޑަބްކޮށް ނެރެން ހަމަޖެހިފައިވާ މި ފިލްމަކީ ޓީ-ސީރީޒާއި ރެޓްރޯފައިލްސް ގުޅިގެން، 500 ކްރޯޑް ރުޕީސްގެ ބަޖެޓަކުން އުފައްދާފައިވާ ފިލްމެކެވެ. ފިލްމް ގެ ޑައިރެކްޓަރަކީ އޯމް ރައުޓް އެވެ.
