ބޮލީވުޑްގެ ދެ އެކްޝަން ތަރިން ކަމަށްވާ އަކްޝޭ ކުމާރާއި ޓައިގާ ޝްރޮޕް ގެ ކުރިއަށް އޮތް ފިލްމް "ބަޅޭ މިޔާ ޗޯޓޭ މިޔާ" ގެ ރޯލަކަށް ޒުވާން ބަތަލާ މަނޫޝީ ޗިއްލަރު ސޮއި ކޮށްފިއެވެ.
"ބަޅޭ މިޔާ ޗޯޓޭ މިޔާ" ގެ ބަތަލާގެ ރޯލަށް ޖާންވީ ކަޕޫރް ސޮއިކޮށްފައި ވަނިކޮށް، އެ ފިލްމުގެ ކާސްޓަށް މަނޫޝީ ޗިލާރް ވެސް ނަގާފައިވާ ކަމަށާއި އެހެންކަމުން މި ފިލްމްގައި ދެބަތަލާއިން އުޅޭނެ ކަމަށް މިޑީއާ ރިޕޯޓްތަށް ބުނެއެވެ.
މީގެ ކުރިން މި ފިލްމް އަށް ޝްރައްދާ ކަޕުރު ނަގައިފައިވާ ކަމަށް ވެސް ވަނީ ހަބަރުތަށް ފެތުރިފައިއެވެ. ނަމަވެސް ފިލްމްގެ ބަތަލާގެ ރޯލަށް މިހާރު ޖާންވީ ނަގައިފައިވާ ކަަމަށާއި ފިލްމް އިން ފެނިގެންދާނީ ޖާންވީ ކަަމަށާއި ފިލްްމް އަށް އޭނާ ސޮއި ކޮށްފައިވާ ކަަމަށް ހަބަރުތަށް ބުނެއެވެ.
2017ގެ މިސް ވޯލްޑަކީ މި އަހަރުގެ ޖޫންގައި ރިލީޒްކުރި އަކްޝޭގެ "ސަމްރާޓް ޕްރިތިވީރާޖް" އިން ބޮލީވުޑަށް ނުކުތް ބަތަލާއެކެވެ. މަނޫޝީ، 26، މިހާރު އަންނަނީ ޖޯން އަބްރަހަމާ އެކީ "ތެހެރާން" ކިޔާ ފިލްމެއްގެ މަސައްކަތް ވެސް ކުރަމުންނެވެ. އަދި އޭނަ ވަނީ ވިކީ ކޯޝަލާ އެކީ "ދަ ގްރޭޓް އިންޑިއަން ފެމިލީ" ކިޔާ ފިލްމެއްގެ މަސައްކަތް ވެސް ނިންމައިފަ އެވެ.
އަލީ އައްބާސް ޒަފަރު ލިޔެ، ޑައިރެކްޓްކުރާ ފިލްމަކީ ބޮޑު ބަޖެޓަކުން ވަރަށް ގްރޭންޑްކޮށް ހަދަން ނިންމާފައިވާ އެއްޗެކެވެ. މި ފިލްމްއަކީ ޕްރޮޑިއުސަރު ވާޝޫ ބަގްނާނީ އާއި ދަރިފުޅު ޖެކީ ބަގްނީނީގެ ޕޫޖާ އެންޓަޓައިންމަންޓުން ހަދަން ނިންމާފައިވާ ފިލްމެކެވެ.
1989 ވަނަ އަހަރު ވަނީ މި ނަމުގައި ފިލްމެއް ގެނެސްދީފައެވެ. އެ ފިލްމުން ފެނިގެން ދިއައީ އަމީތާބް ބައްޗަން އާއި ގޯވިންދާއެވެ. ގޯވިންދާ ވަނީ އެ ފިލްމްގައި ޑަބަލް ރޯލު ކުޅެފައެވެ.
ކޮމެންޓު ފޮނުވާ