ވަރުން ދަވަން އަދި ކްރިތީ ސެނޮން އެކުގައި ފެނިގެންދާ ދެވަނަ ފިލްމް ކަމުގައިވާ "ބޭޅިޔާ" އަންނަ ހުކުރު ދުވަހުގައި ރިލީޒް ކުރާއިރުގައި ފިލްމްގެ ތަރިން އުޅެނީ ފިލްމް ޕްރޮމޯޝަން ކުރުމުގައި އަވަދި ނެތިއެވެ.
އެގޮތުން ތަފާތު ކަންކަން ރާވައި ތަފާތި ޝޯވ ތަކުގައި ބައިވެރިވެ އަދި އިންޓަވިއުތަށް ދިނުން މި ދެތަރިން ވަނީ އިތުރު ކޮށްފައިއެވެ. މިހާތަނަށް އެކުގައި ދެފިލްމްއެއް ކުޅެވިފައިވާ އިރުގައި އެކުގައި ގިނަ ވަގުތު ތަކެއް މިދެތަރިން ވަނީ ހޭދަކޮށްފައިއެވެ.
އެގޮތުން މި ފަހުން "ޕިންކް ވިލާއިން" ވަރުންގެ އެންމެ ކަމުނުދާ ސިފައަކީ ކޮބައިތޯ ކުރި ސުވާލަށް ކްރިތީ ވަނީ ޖަވާބު ދީފައިއެވެ. އެގޮތުން އޭނާ ބުނެގޮތުގައި ވަރުން އަކީ ވަރަށް ކޫލް ވަރަށް ރަނގަޅު މީހެއް ކަމަށާއި އެކަމަކު އޭނާ އަށް ވަރުންގެ ކަމުނުދާ އެއް ސިފައަކީ ފޯނާއި މެދުގައި ކަންކުރާ އުސޫލު ކަމަށެވެ.
"ވަރުން ދުވަހުކުވެސް ފޯނު ނަގާފައި 'ހަލޯ' އެއް ނުބުނާނެ. ފަށާނީ ވާހަކަ ދައްކަން. އަހަން ހުރި މީހާ އަށް އަޑު ދޭތޯވެސް ނުބަލާނެ. ހަމަ ވާހަކަދައްކަން ފަށައި ގަންނަނީ. އަނެއްކޮޅުން ފޯނު ބާއްވާ އިރުވެސް ހަމަ އެފަދަ. 'ބާއީ' އެއް ނުބުނާނެ. ފަހުން ގުޅާނަމޭ ބުނާނީ. އެކަމަކު އެފަހެއް އަދި މިހާތަނަކަށް ނާދޭ. އެއީ ވަރުންގެ އެންމެ ފޫހި އެއް މައްސަލަ."
މި ދެތަރިން މީގެކުރިން ވަނީ ރޯހިތު ޝެޓީގެ "ދިލްވާލޭ" ގައި އެކުގައި މަސައްކަތް ކޮށްފައިއެވެ. ސާހުރުކް ހާން އަދި ކާޖޮލް ވެސް ފެނިގެން ދިއަ އެ ފިލްމް އަކީ ބޮކްސްއޮފީހުގައި ޖާދޫ ދައްކައިލެވުން ފިލްމްއެއް ނޫނެނެވެ.
इस कहानी का नाम है #Bhediya!🐺🔥
Presenting the official trailer of India's first creature-comedy, Bhediya!
In cinemas on 25th Nov in 2D & 3D. #BhediyaTrailer pic.twitter.com/HH6c2vIPp2
— Maddockfilms (@MaddockFilms) October 19, 2022
ވަރުން ހިޔަޅެއްގެ ގޮތުގައި ފެނިގެންދާ "ބޭޅިޔާ" ގައި ކްރިތީ ފެނިގެންދަނި ޑޮކްޓަރެއްގެ ގޮތުގައެވެ. މިއީ އަމަރު ކޯޝިކް ލިޔެ ޑައިރެކްޓްކުރާ ހޮރޯ ކޮމެޑީއެކެވެ. އޭނާ އަކީ 2018ގެ އެންމެ ކާމިޔާބު އެއް ފިލްމު ކަމަށްވާ ހޮރޯ ކޮމެޑީ "ސްތިރީ" ގެނެސްދިން ޑައިރެކްޓަރެވެ. އަމަރު އެންމެ ފަހުން ބެލުންތެރިންނަށް ގެނެސްދިން ފިލްމަކީ 2019ގެ "ބާލާ" އެވެ.
މިއީ ވަރުން މިކަހަލަ ރޯލަކުން ފެނިގެން ދާ ފުރަތަމަ ފަހަރެވެ. މި ފިލްމަކީ ވަރަށް ގިނަ އަދަދަކަށް ވީއެފްއެކްސް ވެސް ހިމެނޭ ފިލްމެކެވެ. ފިލްމު ރިލިޒް ކުރުމަށް ހަމަޖެހިފައިވަނީ 25 ނޮވެމްބަރ ގައެވެ.
