2007 ވަނަ އަހަރު ރިލީޒް ކުރި ފިލްމް "ސާވަރިޔާ" ގައި ގޮޑިއަކުން ވެއްޓޭ މަންޒަރު 70 ވަރަކަށް ފަހަރު ކުޅެން ޖެހުނު ކަމަށާއި އެކަމާ ހެދި ބުރަކަށްޓަށް ވަރަށް ތަދުވި ކަމަށް ފިލްމް ގެ ލީޑް އެކްޓަރު ރަންބީރު ބުނެފި އެވެ.
"ސާވަރިޔާ"ގެ "ޓަވަލް ސޯންގް" ގައި ޑައިރެކްޓަރަށް ކަމުނުގޮސްގެން، ގޮނޑިން ވެއްޓޭ މަންޒަރު 70 ވަރަކަށް ފަހަރު ކުޅެން ޖެހުނު ކަމަށާއި އަދި ފިލްމްގެ ޑައިރެކްޓަރާއި އެކުގައި މަސައްކަތް ކުރުމަކީ ފަސޭހަ ކެމެއް ނޫން ކަމަށް ފިލްމް ކޮމްޕޭނިއަން އަށް ދިން އިންޓަވިއުއެއްގައި ރަންބީރު ވަނީ ބުނެފައިއެވެ.
"ސާވަރިއާ" އަކީ މަޝްހޫރު ޑައިރެކްޓަރު ސަންޖޭ ލީލާ ބަންސާލީ ގެ ފިލްމް އެކެވެ. ނަމަވެސް ކާމިޔާބު ޑައިރެކްޓަރުގެ މަދު ފްލޮޕް ފިލްމް ތަކުގެ ތެރެއިން އެއްފިލްމް އަށް ވެސް މި ފިލްްމް ވަނީ ވެގެން ގޮސްފައިއެވެ.
މި ފިލްމް އަކީ ބޮލީވުޑްގެ ނުފޫޒު ގަދަ ދެ އާއިލާގެ މެންބަރުން ބޮލީވުޑްއަށް ތައާރަފްވީ ވިފްލް ވެސް މެއެވެ. އެގޮތުން ސޯނަމް ކަޕޫރު އަދި ރަންބީރު ކަޕޫރު ބޮލީވުޑް އަށް ތައާރަފް ކޮށްދިނީ ސަންޖޭއެވެ.
މި ފިލްމް ނުހިނގި ކަމުގައިވިޔަސް މި ފިލްމްގައި ދައްކުވައިދިން އެކްޓިންގ އަށް ވަނީ ދެމީޙުންނަށްވެސް ތައުރީފް ލިބިފައިއެވެ. އަދި މިހާރު އިންޑަސްޓްރީގައި ނަންހިނގާ ދެތަރިންނަށް އެމީހުން ވަނީ ވެގެން ގޮސްފައިއެވެ.
މީގެ އިތުރުން މި ފިލްމް ކުޅެން އުޅުން ދުވަސްވަރުގައި ރަންބީރު އަދި ސޯނަމް ރައްޓެހި ވި ކަމުގެ އަޑުތަކެއް ވެސް ގަދަވިއެވެ. ނަމަވެސް ދެތަރިން ކުރެ އެކަކުވެސް މި ކަމާއި ގުޅޭ ގޮތުން ވާހަކަ ދައްކައިފަައިއެއް ނުވެއެވެ.
