ބޮލީވުޑްގެ މަޝްހޫރު އައިޓަމް ގާލް ނޯރާ ފަތުހާއި ޓީ ސީރީޒްގެ ވެރިޔާ ބުޝަން ކުމާރު ރައްޓެހިވެގެން އުޅޭ ކަމަށް ތުހުމަތުކޮށްފި އެވެ.
މިކަންތަށް ގަނޑު ފެންމަތިކޮށްފައިވަނީ ޓްވިޓާގައި އުމައިރު ސަންދޫ ކިޔާ މީހެކެވެ. މިމީހާ ތުހުމަތު ކޮށްފައިވާގޮތުގައި ބޫޝަން އާއި ނޫރާ އާއި ދެމެދުގައި ލޯބީގެ ކަންތަށް ގަނޑެއް ހިނގާތާ މިހާރު ދެ އަހަރު ވަރުވެއްޖެއެވެ. އަދި މިކަން ބޫޝަން ގެ އަންހެނުން ބަތަލާ/ޑައިރެކްޓަރު ދިވްޔާ ކޯސްލާ ކުމާރަށް ވެސް އެނގޭއެވެ.
ނަމަވެސް ދިވްޔާ އަކީ ލާރިއަށް އުޅޭ މީހެއް ކަމަށާއި އެހެންވެ މިކަންކަމާއި އަޅާ ނުލައި ހުންނަނީ ކަމަށްވެސް އޭނާ ވަނީ ބުނެފައިއެވެ. ނަމަވެސް މި ތުހުމަތު ތަކާއި ގުޅެގޮތުން އެކަކުވެސް އަދި ރަސްމީކޮން ވާހަކަ ދައްކައިފައިއެއް ނުވެއެވެ.
View this post on Instagram
ނޯރާ އަކީ މިވަގުތު ބޮލީވުޑްގައި ހުރި އެންމެ ކާމިޔާބު އެއް "އައިޓަމް ގާލް"އެވެ. އޭނާގެ އެންމެ ފަހު ލަވަ "ޖެއްދާ ނަޝާ" އަކީ ވެސް ގިނަބަޔަކަށް ކަމުދިއަ މަގުބޫލު ލަވައެކެވެ. މި ލަވައިގައި ނޯރާ ފެނިގެން ދިއައި އެކްޓަރު އަޔުޝްމާން ކުރާނާ އާއި އެކުގައިއެވެ. އަދި މިއީ އަޔުޝްމާންގެ ކުރިއަށް އޮތް ފިލްމް "އެން އެކްޝަން ހީރޯ" ގެ އައިޓަމް ސޯންގްއެވެ.
30 އަހަރުގެ ނޯރާއަކީ އަކީ މިހާތަނަށް ޓީ ސީރީޒުން އެތައް ފުރުސަތެއް ލިބިފައިވާ ފަންނާކެވެ. އޭނާ އަކީ ފުރުސަތު ލިބުމާއި އެއްވަރަށް ހުނަރުވެސް ހުރި ބަތަލާއެކެވެ. އޭނަ ބޮލީވުޑްގައި ވިދާލީ ވެސް ޓީ ސީރީޒްގެ ފިލްމުތަކުގައި ކުޅުނު އައިޓަމް ލަވަތަކާއި އެ ކުންފުނީގެ މިއުޒިކް ވީޑިއޯ ލަވަތަކުންނެވެ.
ނޯރާ މީގެ ކުރިން ލޯބީގެ ގޮތުން ގުޅިފައިވަނީ އެކްޓަރު އަންގަދަ ބޭދީ އާއިއެވެ. ނަމަވެސް އަންގަދް އާއި ބަތަލާ ނޭހާ ދޫޕިއާ ގެ ކުއްލި ކައިވެނީގެ ސަބަބުން ނޭހާ އަށް ކުރި އަސަރުން އޭނާ އެހެން މީހަކާ ލޯބީގެ ގޮތުން ގުޅުނަ ކަމުގެ އެއްވެސް ރިޕޯޓެއް މީޑިއާއިން މިހާތަނަށް ކޮށްފައިއެއް ނުވެއެ. ނަމަވެސް ދޭތެރެއަކުން ކޮންމެސް މީހަކާ ލޯބީގެ ގުޅުން އޮންނަ ކަމަށް އަޑު ފެތުރެއެވެ. ނަމަވެސް އެވާހަކަތަށް ދަނީ ވަޔަށެވެ.
View this post on Instagram
ބުޝަން އަކީ 2018 ގައި ބޮލީވުޑްގައި ޖިންސީ ފުރައްސާރައިގެ މަައްސަލަތައް ތިލަވެ، ހޫނުވަމުން އައި ދުވަސްވަރު އެފަދަ ތުހުމަތުތަކެއް ކުރެވުނު މީހެކެވެ. ނަމަވެސް އޭނާ ވަނީ މިފަދަ ތުހުމަތު ތަކަށް އިންކާރު ކޮށްފައިއެވެ. އަދި ހަމަ އެހެންމެ އޭނާގެ މައްޗަށް މިފަދައ އެއްވެސް ކަމެއް ސާބިތުވެފައިއެއްވެސް ނުވެއެވެ.
ބުޝަން، 44، އާއި ދިވްޔާ، 35، ކައިވެނިކުރީ 2005 ގަ އެވެ. އެ ދެ މީހުންގެ 11 އަހަރުގެ ފިރިހެން ދަރިއަކު ވެސް އެބަހުއްޓެވެ.
