އަހަރަކު ހަތަރު ފަސް ފިލްމް ކުޅޭތީ އެކަމާއި ވާހަކަ ދައްކާތީ ވަރަށް ފޫހިވާކަމަށް ބޮލީވުޑްގެ އެކްޓަރު އަކްޝޭ ކުމާރު ބުނެފިއެވެ.
އަކްޝޭގެ 5 ފިލްމް އެއް މިއަހަރުވެސް ވަނީ ރިލީޒްވެފައިއެވެ. ނަމަވެސް ހުރިހާ ފިލްމް އެއްވެސްވީ ފްލޮޕްއެވެ. އަކްޝޭ ވަނީ "ބަޗަން ޕާންޑޭ" "ސަމްރާޓް ޕަރަތްވީރާޖް" "ރަކްޝާ ބަންދަން" " ކަޓްޕުތްލީ" އަދި "ރާމް ސެތޫ" އިން ފެނިގެން ގޮސްފައިއެވެ.
މިދިއަ ހޮނިރު ދުވަހު އަކްޝޭ ވަނީ ހިންދުސްތާން ޓައިމްސް ލީޑާޝިޕް ސަމިޓްގައި ސައުތުގެ މަޝްހޫރު އެކްތަރު ރާމް ޗަރަން އާއި އެކުގައި ބައިވެިރ ވެފައިއެވެ. މި ސަމިޓުގައި ވާހަކަ ދައްކަމުން އަކްޝޭ ވަނީ އިންޑަސްޓްރީ އާއި ބެހޭގޮތުން ގިނަ ވާހަކަ ތަކެއް ދައްއކައިފައިއެވެ.
" އަހަރަކު އަހަރެން 4 ނުވަތަ 5 ފިލްމް ކުޅޭތީ ބައެއް މީހުންނަށް ވަަރަށް އަސަރު ކުރޭ.. ކޮބާހޭ މައްސަލައަކީ.. އެހެން މީހުން ނަގާ ޗުއްޓީތަށް އަހަރެން ވެސް ނަގަން. އާއިލާ އަށް ވަގުތު ދެން. 8 ގަޑިއިރަށްވުރެ ގިނައިން މަސައްކަތެއް ނުކުރަން. ދެން މީގާ މައްސަލައަކީ ކޮބާ؟ އހަރެންނަށް ހަމަ އެއްގޮތަކަށްވެސް ނުވިސްނޭ."
އަކްޝޭ ބުނީ އޭނާ ފިލްމް ކުޅޭ އަގު ކުޑަކުރަން ބޭނުންވާ ކަމަށާއި ފިލްމް އިންޑަސްޓްރީ އަށް ބޮޑު ބަދަލުތަކެއް ގެނެސްގެން ނޫނީ މި ދަނޑިވަޅުގައި ސަލާމަތްވާން ވަރަށް އުދަގޫވާނެ ކަމަށެވެ.
އަކްޝޭގެ މިއަހަރު ގެ ހުރިހާ ފިލްމް އެއްވެސް ވީ ފްލޮޕްއެވެ. ނަމަވެސް އަކްޝޭ އަކީ ބޮކްސްއޮފީހުގައި ވަރަށް ހިނގާފައިވާ ކާމިޔާބު ފިލްމް ތަކެއް ގެނެސްދީފައިވާ ތަރިއެކެވެ. ނަމަވެސް މިއަހަރު އޭނާ އަށް ޖާދޫ ދައްކައިއެއް ނުލެވުނެވެ.
