ބޮލީވުޑްގެ އަރަމުން އަންނަ ޒުވާން ބަތަލާ ޖާންވީ ކަޕޫރު ގެ ކުރިއަށް އޮތް ފިލްްމް "މިސްޓަ އެންޑް މިސިޒް މާހީ" އަށް ތައްޔާރުވާން އުޅެގެން ގިނަ އަނިޔާ ތަކެއް ލިބުން ކަމަށް ޖާންވީ ބުނެފިއެވެ.
މި ފިލްމް އަކީ ކަރަންް ޖޯހަރްގެ ދަރުމާ ޕްރޮޑަކްޝަނުން ގެނެސްދޭ ފިލްމް އެކެވެ. "މިސްޓަ އެންޑް މިސިޒް މާހީ" ގައި ޖާންވީ ކަޕޫރާއި އެކުގައި ފެނިގެން ދާީ ރާޖްކުމާރު ރާއޯއެވެ. މި ފިލްމް ގައި ދެތަރިން ވެސް ފެނިގެންދާނީ ކްރިކެޓް ކުޅުންތެރިންގެ ގޮތުގައިއެވެ.
އެހެން ކަމުން ކްރިކެޓް ގެ ޕްރެކްޓިސް ކުރުމާއި ރޯލަށް ފިޓް ވުމަށް ޖާންވީ އަންނަނީ ގިނަ މަސައްކަތްތަކެއް ކުރަމުންނެވެ. މިކަމާއި ބެހޭގޮތުން ދާދިފަހުން ޖާންވީ ބުނެފައިވާގޮތުގައި ކްރިކެޓް ކުޅެން އުޅުމުގެ ތެރޭގައި އެނާގެ ކޮނޑުހުޅު ވަނީ ދެ ފަހަރަށް ނައްޓައިގެން ގޮސްފައެވެ.
ނަމަވެސް އަނިޔާ ލިބުން ނަމަވެސް މީ ވަރަސް ރަނގަޅު ތަޖުރިބާތަކެއް ކަމަށް އޭނާ ވަނީ ބުނެފައިއެވެ. މި ފިލްމަކީ މިދިޔަ އަހަރު ރިލީޒްކުރި ޖާންވީގެ "ގުންޖަން ސަކްސޭނާ: ދަ ކަރްގިލް ގާލް" ގެ ޑައިރެކްޓަރު ޝަރަމް ޝަރުމާގެ ދެވަނަ ފިލްމެވެ.
"މިސްޓަ އެންޑް މިސިޒް މާހީ" އަކީ ޖާންވީ އާއި ރާޖް އެކީގައި ކުޅޭ ދެވަނަ ފިލްމެވެ. ދެ ތަރިން އެކީގައި ކުޅުނު ފުރަތަމަ ފިލްމަކީ މި އަހަރުގެ މާޗްގައި ރިލީޒްކުރި ހޮރޯ-ކޮމެޑީ "ރޫހީ" އެވެ.
ޖާންވީގެ ކުރިއަސް ހުރި ފިލްމް ތަކަށް ބަލާލާއިރުގައި ނިތޭޝް ތިވާރީގެ "ބަވާލް" ހިމެނެއެވެ. "މިސްޓަ އެންޑް މިސިޒް މާހީ" އަކީ ސްޕޯޓްސް ޑްރާމާއެކެވެ. ފިލްމްގެ ޝޫޓިން ފަށާނީ އަންނަ ފެބްރުއަރީ މަހުގެ ތެރޭގަ އެވެ. އަދި ސިނަމާތަކަށް ފިލްމު ގެންނާނީ އޮކްޓޯބަރު 7 ގަ އެވެ. މީގައި ޖާންވީގެ ކެރެކްޓާގެ ނަމަކީ މަހީމާ އެވެ. އަދި ރާޖަކީ މަހެންދުރަ އެވެ.
ކޮމެންޓު ފޮނުވާ