ރައްޔިތުންގެ މަޖިލިހުގެ ރައީސް މުހައްމަދު ނަޝީދަށް ދެން ރާއްޖޭގެ ވެރިކަމަށް ވަޑައިނުގެންނެވޭނެކަމަށް ދުވާފަރު ދާއިރާގެ މެމްބަރު އިސްމާއިލް އަހުމަދު ވިދާޅުވެއްޖެއެވެ.
މިއަދު ރައްޔިތުންގެ މަޖިލިހުގެ ޖަލްސާގައި ވަހަކަ ދައްކަވަމުން އިސްމާއިލް ވިދާޅުވީ ހަގީގަތު މިރާއްޖެއަށް ދިމާވެގެން އުޅޭ މައްސަލައަކީ ނަޝީދަށް ވެރިކަން ނުލިބިގެން އުޅޭ މައްސަލަ ކަމުގައެވެ.
ހަގީގަތުގަ މިރާއްޖެއަށް ދިމާވެގެން އުޅޭ ޗާގޮސްގެ މައްސަލައެއްވެސް ނޫން. މިރާއްޖެއަށް މިއުޅެނީ އިމެއް ގެއްލިގެނެއްވެސް ނޫން. މިރާއްޖެއަށް މިއުޅެނީ މަނިކްފާނަށް ވެރިކަން ނުލިބިގެން. ﷲ އިރާދަ ކުރެއްވިއްޔާ ދެން މިރާއްޖޭގެ އެހާލަތަކަށް ނުދާނެ. މިރާއްޖޭގެ އެހާލަތަކަށް ދާން.. މަނިކުފާނަށް މިރާއްޖޭގެ ރިޔާސަތުދޭން ދިވެހި ރައްޔިތުން ތިބީކީ ތައްޔާރަކަށް ނޫން. މަނިކްފާނުގެ ބާރެއް ހިނގާ ގޮތަށްވެސް މިރާއްޖޭގެ ރިޔާސަތު ދޭން ދިވެހިންތިބީ އިރާދަކުރެއްވިޔާ ތައްޔާރަަކަށް ނޫން. އަޅުގަޑުމެންނެއް އެމަންޒަރެއް ނުބަލާނަން.
ޗާގޮސްގެ މައްސަލާގައި މިއަދުގެ ޖަލްސާގައި ވާހަކަ ދައްކަވަމުން ދުވާފަރު ދާއިރާގެ މެމްބަރު އިސްމާއިލް ވިދާޅުވިއެވެ.
އޭނާ ވިދާޅުވި ގޮތުގައި ޗާގޮސްގެ މައްސަލައަށްވުރެ ސާދާސީދާކޮށް މައުލޫމާތު ފެތުރިި ދެވަނަ މައްސަލައެއް މިރާޖޭގައި ނެތްކަމަށެވެ. އޭނާ ވިދާޅުވީ މިވާހަކަ ހަގީގަތް އޮޅޭގޮތަށް ވާހަަކަ ދައްކަވަނީ އެކި ދުވަސަވަރު އެކި ގޮތްގޮތަށް ޗާގޮސްއާއި ގުޅޭގޮތުން ނިންމެވުން ނިންމެވި ބޭފުޅުން ކަމުގައެވެ.
އޭނާ ވިދާޅުވީ ނަޝީދުގެ ވެރިކަމުގައި މަލިކަކީ ރާއްޖޭގެ ތަނެއްގެ ގޮތުގައި ނަޝީދު ވާހަކަ ދެއްކެވިކަމުގައެވެ. އެހެންނަމަވެސް މަލިކަކީ މިހާރު ރާއްޖޭގެ ބައެއް ނޫންކަމަށް ވިދާޅުވަމުން ގެންދަވާ ސަބަބު ދިވެހި ރައްޔިތުންނަށް ވަރަށް ސާފު ކަމުގައިވެސް އޭނާ ވިދާޅުވިއެވެ.
އިރާދަ ކުރެއްވިއްޔާ މިރާޖެއަށް ބަރުލަމާނީއެއްވެސް ނާންނާނެ، އިރާދަ ކުރެއްވިއްޔާ މިރާއްޖޭގެ ވެރިކަމަށްވެސް މަނިކްފާނެއްވެސް އަދި މަނިކުފާނު ކައިރީގަ ތިއްބެވި ބޭފުޅުންވެސް ނުކުރައްވާނެ.
މިއަދުގެ ޖަލްސާގައި ވާހަކަ ދައްކަވަމުން އިސްމާއިލް ވިދާޅުވިއެވެ.
