ޑްރަގްގެ މައްސަލައެއްގައި 2019ވަނަ އަހަރު ހައްޔަރު ކުރި، ޅ. ހިންނަވަރު މީހަކު އުމުރަށް ޖަލަށް ލާން ކުރިމިނަލް ކޯޓުން ހުކުމް ކޮށްފިއެވެ.
ފުލުހުން ޅ. ހިންނަވަރު، ދުވާފަރު މުހައްމަދު ރިޝްވާން ހައްޔަރު ކޮށްފައިވަނީ މާލެ ތެރޭގައި އެނާ މަސްތުވާތަކެތި ގެންގުޅެމުން ދަނިކޮށެވެ. އަދި އޭނާ ހައްޔަރުކޮށް ތަހުގީގު ފުރިހަމަ ކުރުމަށްފަހު އޭނާގެ މައްސަލަ ކުރިމިނަލް ކޯޓަށް ހުށަހާޅާފައިވަނީ 2019ވަނަ އަހަރުގެ ޖުލައި މަހުއެވެ. އެއަށްފަހު އޭގެ ފަަހުން 3 އަހަރުފަހުން އޭނާ އުމުރަށް ޖަލަށްލާން ކުރި ހުކުމާއެކު 100،000 ރުފިޔާއިން އޭނާ ޖޫރިމާނާވެސް ކޮށްފައި ވެއެވެ.
އޭނާގެ މައްޗަށް ސާބިތު ވެފައިވަނީ ކެނަބިސް ޓްރެފިކް ކުރުމުގެ ދައުވާއެވެ. އޭނާގެ މައްސަލާގައި ހުކުން ކޮށްފައިވަނީ ކުރިމިނަލް ކޯޓުގެ ގާޒީ އިސްމާއިލް ޝަފީޢުއެވެ.
