ޖުމްހޫރީ ޕާޓީގެ ލީޑަރު ޤާސިމް އިބްރާހިމަކީ ރާއްޖޭގެ ސިޔާސީ ތަޅުދަނޑިކަން 2008 އިން ފެށިގެން އެނގިގެން ދާކަމުގައި ޖުމްހޫރީ ޕާޓީގެ ނައިބު ރައީސް އަޙްމަދު ސަޢުދު ވިދާޅުވެއްޖެ އެވެ.
ސަޢުދު މިހެން ވިދާޅުވީ ޖުމްހޫރީ ޕާޓީގެ ލީޑަރު ޤާސިމް އިބްރާހިމަކީ އިންތިޚާބުގެ ދުވަސްވަރަށް އެކަނި ފޮޅޭ މަލެއްކަމަށާއި، ޤާސިމް ގެންގުޅުއްވާ ހުވަފެންތައް ހަގީގަތަކަށް ވުމީ މުސްތަހިއްލުކަމެއް ކަމަށް ޕީއެންސީގެ ނައިބު ރައީސް މުޙައްމަދު ޙުސައިން ޝަރީފް، މުންދު ވިދާޅުވި ވިދާޅުވުމަށް ރައްދު ދެއްވަމުންނެވެ.
މުންދުގެ ފާޑުވިދާޅުވުމަށް ރައްދު ދެއްވަމުން ސަޢުދު ވަނީ މަލުގެ ވަސްބަލާ މީހުން ތިބީ މުންދު މެންނާއެކު ނޫންތޯ އައްސަވާފައެވެ. އަދި ޤާސިމަކީ ރާއްޖޭގެ ސިޔާސީ ތަޅުދަނޑިކަން 2008 އިން ފެށިގެން ސާފުކޮށް އެނގި ގެންދާ ކަމަށް ސަޢުދު ވިދާޅުވިއެވެ.
"މަލުގެ ވަސްބަލާ މީހުން ތިބީ ތިކޮޅުގައެއް ނޫންތޯ. އޮނަރަބަލް ޤާސިމް އިބްރާހިމަކީ މި ރާއްޖޭގެ ސިޔާސީ ތަޅުދަނޑި. 2008 އިން ފެށިގެން އެކަމަކީ ފެންފޮދެއްހައި ސާފުކަމެއް. ކޮންމެ ބަޔަކުވިޔަސް މިހާ ހިސާބަށް ސަރުކާރު ލިބިފައި އޮތީ މި ތަޅުދަނޑި ލިބިގެން. މި ބުނެވުނީ ރަނގަޅަށްތޯ"
– ޖޭޕީގެ ނައިބު ރައީސް އަޙްމަދު ސަޢުދު
ޤާސިމް އިބްރާހިމަކީ އިންތިޚާބުގެ ދުވަސްވަރަށް އެކަނި ފޮޅޭ މަލެއްކަމަށް މުންދު ވިދާޅުވެފައި ވަނީ އަންނަ އަހަރަށް ލަފާކޮށް ހުށަހަޅާފައިވާ ބަޖެޓް ކަމުނުގޮސްގެން އުޅެނީ ރައީސް އިބްރާހީމް މުޙައްމަދު ޞާލިޙް ވެރިކަމުން ވައްޓާ ނުލެވިގެންއުޅޭ މީހުންކަމަށް ޤާސިމް ވިދާޅުވުމާއި ގުޅިގެން ޤާސިމަށް ފާޑު ވިދާޅުވަމުންނެވެ.
Heyo dhuaa salaamah fahu dhannavan,
Dhaulathuge budget dhiraasaakoh, eygai huri rayyithunge kanboduvun haamakurumakee…
Posted by Mundhu Shareef on Thursday, November 19, 2020
2008 ވަނަ އަހަރުގެ ރާއްޖޭގައި ބޭއްވި ފުރަތަމަ ޑިމޮކްރެޓިކް އިންތިޚާބުގެ ފަހުން ދެން އުފެދުނު ކޮންމެ ސަރުކާރެއްވެސް ވެރިކަމަށް ގެނައުމާއި އެ ވެރިކަންތައް ނިންމުމުގައި އެންމެ އިސް ދައުރެއް އަދާކުރެއްވި ބޭފުޅެއް ކަމަށް ރާއްޖޭގެ ސިޔާސީ މަސްރަހު ދިރާސާ ކުރައްވާ ގިނަ ފަރާތްތައް އިއްތިފާގު ވާ ބޭފުޅަކީ ޤާސިމް އިބްރާހިމެވެ.
އެގޮތުން 2008 ވަނަ އަހަރު އޭރުގެ އިދިކޮޅު ކޯލިޝަނާއި އެކު މަސައްކަތް ކުރައްވާ 30 އަހަރުގެ ދިގު ވެރިކަމެއް ބަދަލު ކުރެއްވިއެވެ. އަދި 2008 ވަނަ އަހަރު އުފެދުނު ރައީސް ނަޝީދުގެ ވެރިކަން 2012 ވަނަ އަހަރު ނިމުމަކަށް ގެނައުމުގައި ޤާސިމް އިސްކޮސް އުޅުއްވި ތަން އޭރުގެ ވީޑިއޯ ތަކުން ފެންނަން އެބަހުއްޓެވެ. ދެން އުފެއްދި ރައީސް ވަހީދުގެ ސަރުކާރުގައިވެސް ޤާސިމަކީ ބައިވެރިއެކެވެ. އެ ވެރިކަން 2013 ވަނަ އަހަރު ނިންމާ ރައީސް ޔާމިން ވެރިކަމަށް އައުމުގައިވެސް ނަތީޖާ ނެރެވުނީ ޤާސިމާއި ބައިއަތު ހިފައިގެންނެވެ.
ޖެހިގެން އައި އިންތިޚާބަށް 2018 ގައި ކުރިމަތި ލީއިރު އޭރުގެ ހާލަތު އޮތީ ޔާމިން ނޫން ހުރިހާ ސިޔާސީ ލީޑަރުން އެކައްޗެއް ކިޔަން ޖެހޭ ފަދަ ހާލަތެއްގައެވެ. އެހެންކަމުން ޔާމިނުގެ ވެރިކަން ނިމުމަކަށް ގެނެސް މިހާރުގެ ރައީސް އިބްރާހީމް މުޙައްމަދު ޞާލިޙްގެ ވެރިކަން އެކުލަވާލުމުގައި ވެސް ޤާސިމަކީ އަމަލީގޮތުން ބައިވެރިވި އެއް ހިއްސާދާރެވެ.
ކޮމެންޓު ފޮނުވާ