މޫސަ މިހެން ވިދާޅުވީ 1988 ވަނަ އަހަރުގެ ނޮވެންބަރު 3 ގެ އުދުވާނީ ހަމަލައާ ގުޅޭ ރަނގަޅު މައުޟޫޢީ ދިރާސާއެއް ހަދައި ކިޔަވާ ކުދިންގެ މުޤައްރަރުތަކުގައި ހިމެނުމަށް ކުރީގެ ރައީސް މައުމޫން އަބްދުލްގައްޔޫމް ގޮވާލުމާ ގުޅިގެން އެއަށް ރައްދު ދެއްވާ ކުރެއްވި ޓްވީޓެއްގަ އެވެ.
އެމްޑީޕީން ވަކިވުމަށްފަހު ދާދި ފަހުން އަނެއްކާވެސް އެ ޕާޓީއާއި ގުޅިވަޑައިގެންނެވި ރީކޯ ވިދާޅުވެފައިވަނީ، ޖަލުތަކުގައި މީހުނަށް ކުރެއްވި އަނިޔާގެ ވަރަށް ތަފްސީލް ޙަޤީޤީ ޙާދިސާއެއް މިހާރު ލިޔަމުންދާ ކަމަށެވެ. އަދި އެ ހާދިސާ ވެސް ކިޔަވާ ކުދިންގެ މުގައްރަރަށް ލައިދިނުމަށް ރީކޯ ވަނީ އެދިލައްވާފައެވެ.
މީގެ ކުރިން ތަކުރާރު ކޮށް އެތަށް ފަހަރެއްގެ މަތިން އެކި އެކި ޕޯޑިއަމް ތަކުގައި ވާހަކަ ދައްކަވަމުން ރީކޯ ވަނީ އޭނާއަށް ރައީސް މައުމޫނުގެ ވެރިކަމުގައި ވަރަށް ބޮޑެތި އަނިޔާތައް ދީފައިވާކަމަށް ވިދާޅުވެފައެެވެ.
ހަމަ އެއާއ އެކުގައި އެވާހަކަ ތަކަށް ރައްދު ދެމުން ރައީސް މައުމޫން ވިދާޅުވެފައިވަނީ އެމަނިކުފާނުގެ ވެރިކަމުގައި ކުށްނުކޮށް ހުރި މީހަކު ޖަލަށް އަދި އަރުވާލާފައި ނުވާނެ ކަމަށެވެ. އަދި ހުރިހާ ކަމެއް ހިނގައިފައި ހުންނާނީ ގާނޫނާއި ގަވައިދު ދަށުންކަމަށް އެމަނިކުފާހު ވެސް ވަނ ތަކުރާރުކޮން ވިދާޅުވެފައިއެވެ
