"ބިގްބޮސް 13″ ކާމިޔާބު ނުވި ކަމުގައި ވިޔަސް، އޭގައި ރަޝްމީ ދެސާއީގެ މަސައްކަތް އާންމުންނަށް ކަމުގޮސް ވަރަށް ބޮޑު މަޝްހޫރު ކަމެއް ހޯދިއެވެ. އަދި މިފަހުން "ބިގް ބޮސް 14″ އާއި ބެހޭ ގޮތުން އޭނާ މި ވަނީ ހިޔާލު ފާޅުކޮށްފަ އެވެ.
އީޖާޒް ޙާން އާއި ކަވިތާ ކޯޝިކްގެ ދެމެދު ހިނގަމުންދާ މައްސަލައާއި ތަޅާފޮޅުންތަކަށް އޭނާ ބުނެފައިވަނީ ޝޯވގެ އީޖާޒް އަކީ އޭނާ ކުރިން ދަންނަ އީޖާޒެއް ނޫންކަމަށެވެ. އަދި ކަވިތާ އަކީ ފޭކު ކުއްޖެއް ނޫންކަމަށް ބުނެ އޭނާ ދިފާއު ކޮށްފައި ވެއެވެ. އަދި ކަވިތާ، ނިކީ ތަންބޯލީއަށް ކޮށްފައި އޮތް ކޮމެންޓަކީވެސް ވަރަށް ލޯބި ކޮމެންޓެއް ކަމަށްވެސް ރަޝްމީ ބުންޏެވެ.
މީގެއިތުރުން ބިގް ބޮސްގެ ގެއަށް ވަދެލުމާމެދު ސުވާލު ކުރުމުން ބުނީ އަދި ގޮތެއް ނުނިންމާކަމަށާއި އެކަމަކު ދާން ބޭނުންވާކަމަށެވެ. ރަޝްމީ ބިގްބޮސް 13 ނިންމާލީ ޝޯވގެ 4 ވަނަ ބައިވެރިއާގެ ގޮތުގައެވެ.
ރަޝްމީ ދެސާއީ އެންމެ ފަހުން ފެނިފައި ވަނީ ޓީވީ ސީރީޒް "ނާގިން 4″ އިން ޝަލާކާގެ ރޯލުންނެވެ. އަދި މިހާރު ބިގް ބޮސް 14 އިން "ނާގިން 4″ގެ ތަރިއެއް ކަމަށްވާ ޖޭސްމިން ބާސިންވެސް ފެނިގެންދެއެވެ.
