ބޮލީވުޑްގެ ހުނަރުވެރި ތިން ބަތަލާއިން ކަމުގައިވާ ތައްބޫ އާއި ކަރީނާ ކަޕޫރު އަދި ކްރިތީ ސެނޮން އެކުގައި ފެނިގެންދާ ފިލްމް ރަސްމީކޮން އިއުލާން ކޮށްފިއެވެ.
އެކްތާ ކަޕޫރާއި ރިއާ ކަޕޫރް ގުޅިގެން ޕްރޮޑިއުސްކުރާ ފިލްމުގެ ނަމަކީ "ދަ ކްރޫ" އެވެ. ފިލްމް ގެ ލީޑުން ފެނިގެންދާނީ 3 އަންހެން ތަރިންނެވެ. މިތަރިންނާއި އެކުގައި ފިލްމް ނަމާއިއެކުގައ މިހާރު އިއުލާން ވަނީ ކޮށްފައިއެވެ. މީ މި ތިންތަރިން އެކުގައި ފިލްމް އަކުން ފެނިގެންދާނެ ފުރަތަމަ ފަހަރެވެ.
View this post on Instagram
މި ފިލްމް އަކީ ""ވީރޭ ދީ ވެޑިން" އަށް ފަހު އެކްތާ އަދި ރިއާ ގުޅިގެން ހަދާ ދެވަނަ ފިލްމްއެކެވެ. "ވީރޭ ދީ ވެޑިން" އަކީވެސް ލީޑުން ހުސް އަންހެނުން ފެނިގެންދިއަ ފިލްމްއެކެވެ. އޭގެ އެއްބަތަލާ އަކީ ކަރީނާ ކަޕޫރެވެ.
View this post on Instagram
ކުރީގެ ފިލްމާ އެއްގޮތަށް އާ ފިލްމަކީ ވެސް ބަތަލާއިންތަކެއްގެ މައްޗަށް ބިނާކޮށް ހަދަން ހަމަޖެހިފައިވާ އެއްޗެކެވެ. މި ފިލްމް އަކީ ވެސް އަންހެނުންނަށް ދިމާވާ މައްސަލަތަކެއް ގެ ވާހަކަ ކިޔައިދޭނެ ފިލްމްއެކެވެ.
"ދަ ކްރޫ" ގައި ކިޔައިދޭނީ އެއާލައިން އިންޑަސްޓްރީގައި މަސައްކަތްކުރާ އަންހެނުންތަކެއްގެ ވާހަކަ އެވެ. މީގެ ޑައިރެކްޓަރަކީ ރާޖޭޝް ކްރިޝްނަން އެވެ. ފިލްމްގެ ޝޫޓިން އަންނަ ފެބްރުއަރީ ގައި ފެށުމަށް ވަނީ ނިންމައިފައިއެވެ.
