އިންޑިއާގެ އެތަށް ބަހަކުން ގިނަ އަދަދެއްގެ ފިލްމް ތަކެއް ކުޅެ ބެލުންތެރިންގެ މެދުގައި މަގުބޫލު ކުރީގެ މަޝްހޫރު ތަރި ސްރީދޭވީގެ ބައޯޕިކް އެއް އޭނާގެ ދޮށީ ދަރިފުޅު އަދި އަރަމުން އަންނަ ޒުވާން ބަތަލާ ޖާންވި ކަޕޫރު ނުކުޅޭނެ ކަމަށް އޭނާ ބުނެފިއެވެ.
ސްރީދޭވީ އަކީ ބޮލީވުޑްގައި އުފެދުނު އެފަދަ ދެވަނައެއް ނުވާ އެކްޓަރެސްއެކެވެ. ދުނިޔޭގެ އެކި ކަންކޮޅުތަކުގައި އޭނާގެ މަޝްހޫރުކަން ވަރަށް ބޮޑެއެވެ. 2018 ވަނަ އަހަރު މަރުވުމާއި ހަމައަށް ވެސް ސްރީދޭވި ވަނީ ފިލްމްތަކުން ފެނިގެން ގޮސްފައިއެވެ.
View this post on Instagram
ޖާންވީ ބޮލީވުޑްއަށް ތައާރަފްވި 2018 ވަނަ އަހަރުގެ ފިލްމް "ދަޅަކް" އިން އިޝާން ކައްޓާރު އާއި އެކުގައިއެވެ. މިހާރު އޭނާ އަންނަނީ 6 ވަނަ ފިލްމްގެ ޕްރޮމޯޝަންތަށް ވަރަށް ބާރަށް ކުރިއަށް ގެންދަމުންނެވެ.
އެއީ މާދަމާ ރިލީޒް ކުރާ ފިލްްމ "މިލީ"އެވެ. މި ފިލްމްގެ ޕްރޮމޯޝަން އިވެންޓެއްގައި ވާހަކަދައްކަމުން ޖާންވީ ބުނީ އޭނާގެ މަންމަގެ ބައޯޕިކް އެއް ކުޅެން އޭނާ ބެނުން ނުވާކަމަށެވެ.
View this post on Instagram
ބައޯ ޕިކް ކުޅުމާއި ގުޅޭގޮތުން ވާހަކައްކަމުން ޖާންވީ ބުނީ މަންމަ ކޮށްފައިވާ މަސައްކަތްތައް އެހާ ފުރިހަމައަށް އެހެން މީހަކަށް ނުކުރެވޭނެ ކަމަށެވެ. އަދި ޝްރީދޭވީގެ ފިލްމުތައް އަލުން ހަދަން ނޭދޭ ކަމަށް ވެސް ޖާންވީ ބުންޏެވެ.
މި ފިލްމަކީ މަލަޔާލަމް ފިލްމު "ހެލަން"ގެ ހިންދީ ރިމޭކެކެވެ. ރިޕޯޓްތައް ބުނާގޮތުގައި "ހެލަން" ގައި ޖާންވީ ކުޅޭ ކެރެކްޓާގެ ނަމަކީ މިލީއެވެ. ކެނެޑާގައި ހިނގާ ކަންތައްތަކެއް ހިމެނޭ ވާހަކައަކަށް ބިނާކޮށް މިފިލްމު ހެދިނަމަވެސް ފިލްމް ޝޫޓިން އިންޑިއާގައި ނިންމައިލީ ކޮވިޑް-19 ގެ ސަބަބުންނެވެ.
މި ފިލްމް ޕޮރޮޑިއުސް ކުރަނީ ޖާންވީގެ ބައްޕަ ބޯނީ ކަޕޫރާއި ޒީ ސްޓޫޑިއޯ އިންނެވެ. ފިލްމް ޑަަަައިރެކްޓް ކުރާނީ އޮރިޖިނަލް ފިލްމްވެސް ޑައިރެކްޓް ކުރި މަތުކުއްޓީ ޒަވިއާއެވެ.
މި ފިލްމުގައި ޖާންވީއާއެކު ފެންނާނީ ސަނީ ކޯޝަލް އާއި މަނޯޖް ޕައްވާ އެވެ. މިއީ ޖާންވީ، އެނާގެ ބައްޕައާ އެކު މަސައްކަތްކުރާ ފުރަތަމަ ފިލްމެވެ. މިއީ އަންނަ މަހުގެ 4 ވަނަ ދުވަހު ސިނަމާގައި އަޅުވަން ތައްޔާރުވަމުން އަންނަ ފިލްމެކެވެ.
