"އިންޑިއާ ލޮކްޑައުން" އަންނަ މަހުގެ 2 ގައި ޒީ5 އިން ޕްރިމިއާ ކުރާގޮތަށް ނިންމައިފިއެވެ.
މި ފިލްމަކީ ކޮޯވިޑް-19 ގެ ބަލިމަޑުކަމާ ގުޅިގެން އިންޑިއާގައި މީގެ ދެ އަހަރު ކުރިން އިއުލާންކުރި ލޮކްޑައުންގެ ސަބަބުން އެކި ދާއިރާތަކުގެ މީހުންގެ ދިރިއުޅުމަށް އައި ބަދަލުތަކެއްގެ މައްޗަށް ޑައިރެކްޓަރު މަދޫރް ބަންޑާރްކަރް ގެނެސްދޭ ފިލްމެކެވެ.
2020 ވަނަ އަހަރަށް ދުނިޔެ އަލިވިލުނު އިރު ކޯވިޑްގެ ވަކި މުޅި ދުނިޔޭގައި ހިއްޕާލައި އެތަށް ބައެއްގެ ފުރާނަ ދިޔަ، މި ބިރުވެރި ބަލީގައި އެތަށް ބައެއްގެ ވަޒިފާ ގެއްލި ހާލުގައިވެސް ވަނީ ޖެހިފައެވެ.
ދުނިޔޭގެ އެކި ކަންކޮޅުތަކުގައި ކޯވިޑްގެ ސަބަބުން ވަނީ އަގުނުކުރެވޭ އެތައް ގެއްލުމަކާއި ކުރިމަތި ވެފައިއެވެ. އެތައް ބަޔަކު މަރުވެ އެތައް ބަޔަކު ބިކަހާލުގައި ޖެހުނު ގޮތް ފިލްމުގައި ވަރަށް ރަނގަޅަށް ދައްކުވައިދޭނެއެވެ.
View this post on Instagram
މީގެ ކާސްޓްގައި ޕްތަރީކް ބައްބަރް، އަހާނާ ކުމްރާ، ޝްވޭތާ ބާސޫ ޕްރަސާދު، ސައީ ތަމްހާކަރް އަދި ޕްރަކާޝް ބެލަވާޑީ ހިމެނެއެވެ.
"އިންޑިއާ ލޮކްޑައުން"ގެ ޑައިރެކްޓަރު މަދޫރަކީ "ޗާންދުނީ ބާ" އާއި "ޕޭޖް 3″ އާއި "ފެޝަން" ފަދަ މަގުބޫލު ފިލްމުތައް ގެނެސްދީގެން ނެޝަނަލް އެވޯޑް ވެސް ހޯދާފައިވާ ޑައިރެކްޓަރެކެވެ.
