ބޮލީވުޑްގެ އެކްޓަރު އާމިރު ޙާންގެ ދަރިފުޅު އީރާ ޙާން، އޭނާ ދަންނަ މީހެއްގެ ފަރާތުން ދިމާވި ޖިންސީ ފުރައްސާރަ އާއި ކުރިމަތިލާން ޖެހުނު ހާދިސާ ހިއްސާކޮށްފިއެވެ. އަދި މިކަމުގެ ސަބަބުން އީރާ 4 އަހަރަށްވުރެ ގިނަދުވަހު ޑިޕްރެޝަންގައި ހޭދަކުރިއެވެ.
އިންސްޓާގުރާމުގައި ހިއްސާކޮށްފައިވާ ވީޑިއޯއެއްގައި ބުނެފައި ވަނީ އުމުރުން 14 އަހަރުގައި މި ކަމެއް ހިނގަންފެށި ކަމަށާއި އަދި ފުރަތަމަ ހީކުރީ އެމީހާއަށް ނޭނގި ކުރެވޭ ކަމެއްކަމަށް ކަމަށެވެ. އެހެންވެ ނުބުނަން ހުރީ ކަމަށާއި ނަމަވެސް އެއް އަހަރު ފަހުން އެއީ އެގިގެން ކުރާ ކަމެއްކަން އެނގުމުން މަންމަމެނަށް އީމެއިލްއެއް ލިޔެ އެވާހަކަ ބުނިންކަމަށެވެ. އަދި އެކަމުން ސަލާމަތް ވުމުން އޭނާ އެކަމާ އެހާ އަޅައިނުލި ނަމަވެސް އެ ޖިންސީ ފުރައްސާރަ ކުރަން ފުރުސަތު ދެވުނީތީ އަމިއްލަ ނަފްސު ބައެއް ފަހަރު ކުއްވެރި ކުރެވޭކަމަށެވެ.
23 އަހަރުގެ އީރާ ބުނީ އެއަށްފަހު، އެކަމާ ނުވިސްނަން ނިންމި ނަމަވެސް އަމިއްލަ ނަފުސުދެކެ އެކަމުން ފޫހިވެ ޑިޕްރެޝަނަށް ދިއަކަމަށެވެ. މި ކަމަކީ އޭނާގެ މައިންބަފައިން ވަރިވި އިރުވެސް ލިބުނު ދެރައަށްވުރެ ބޮޑު ދެރައެއްކަމަށް ވެސް ބުނެފައި ވެއެވެ.
އާމިރު ޙާން އާއި އިރާގެ މަންމަ ރީނާ ދަތު ވަރިވީ 2002 ގައެވެ. އޭރު އެ ކައިވެންޏަށް އީރާ އާއި ޖުނައިދު ލިބިފައިވެއެވެ. އީރާ ބުނާގޮތުގައި މައިނަބަފައިން ވަރިވި ނަމަވެސް އެ މީހުން އޭނާއަށާއި ޖުނައިދު އަށް ވަރަށް ރަނގަޅުކަމަށާއި އާއިލާއެއްގެ ގޮތުގައި އެކުގައި ހޭދަކުރެވޭ ކަމަށެވެ. އަދި އޭނާގެ މަންމައާއި ބައްޕަ ވަރިވުން އެއީ އޭނާއަށް އެހާ ބޮޑު ކަމަކަށް ނުވާ ކަމަށްވެސް އީރާ ބުނެއެވެ.
