ރޮމޭންޓިކް ކޮމެޑީ "މިސްޓަ މަމީ" ގެ ޓްރެއިލާ ދައްކާލައިފިއެވެ.
މި ފިލްމް އަކީ ރިތޭޝް ދޭޝްމުކާއި އޭނާގެ އަންހެނުން އަދި ބަތަލާ ޖެނީލިއާ ދޭޝްމުކް ލީޑުން ފެނިގެންދާ ފިލްމެކެވެ.
އަންނަ މަހުގެ 11 ގައި ސިނަމާތަކަށް ގެންނަން ހަމަޖެހިފައިވާ މި ފިލްމަކީ، ކާމިޔާބު ފިލްމުތަކެއް ގެނެސްދިން ޑައިރެކްޓަރ ޝާދު އަލީގެ ފިލްމެކެވެ. މި ފިލްމް ޕްރޮޑިއުސް ކޮށްފައިވަނީ ޓީ ސީރީޒުންނެވެ.
ރިތޭޝް ވަނީ އޭނާގެ އިންސްޓަގާރްމުގައި ވެސް މި ފިލްމުގެ ޓްރެއިލާ ހިއްސާ ކޮށްފައެވެ. ޓްރެއިލާ ބަލާލުމުން ވެސް ފިލްމަކީ ބެލުންތެރިން ހެއްވާލާނެ ފިލްްމެއް ކަން އެނގިގެން ދެއެވެ.
View this post on Instagram
އަންނަ މަހު "މިސްޓަ މަމީ" ބެލުންތެރިންނަށް ދޫކޮށްލާ އިރު، ރިތޭޝް ޑައިރެކްޓްކޮށް، ކުޅެ ޖެނެލިއާ ބަތަލާގެ ރޯލު ކުޅެފައިވާ މަރާޓީ ފިލްމު "ވެދް" ވެސް ރިލީޒްކުރަން އަންނަނީ ތައްޔާރުވަމުންނެވެ. މި ފިލްމް އަކި 5 އަހަރު ފަހުން އޭނާ ބޮޑު ސްކްރީނުން ފެނިގެންދާނެ ފިލްމެވެ. އަދި މީ ޖެނީލިއާގެ އަލަތު މަރާޓީ ފިލްމު ވެސް މެއެވެ.
އުމުރުން 35 އަހަރުގެ ޖެނީލިއާ އަކީ ހިންދީ، ތަމަޅަ އަދި ތެލުގޫ ފިލްމުތައްވެސް ކުޅެފައިވާ ތަރިއެކެވެ. މި ދެމަފިރިން މީގެ ކުރިން ވެސް އެކީގައި ފިލްމުތަކެއް ކުޅެފައިވެ އެވެ. އޭގެ ތެރޭގައި 2012 ގެ "ތެރެ ނާލް ލަވް ހޯގަޔާ" އާއި 2003 ގެ "ތުޖޭ މޭރީ ކަސަމް" ހިމެނެ އެވެ.
