ނ.މަނަދޫ ބަނދަރު ތަރައްޤީކުރުމުގެ މަޝްރޫޢުގެ ދަށުން މިހާރު ކުރިއަށްދަނ ޖެޓީ ހެދުމާއި ބަނދަރު ފުންކުރުންކަމަށް އެމްޓީސީސީން ބުނެފިއެވެ.
މަނަދޫގައި ހަދާފައިވާ ބަނދަރަކީ 1200 ފޫޓު ދިގު، 350 ފޫޓު ފުޅާ ބަނދަރެކެވެ. މިހާރު އޮތް ބަނދަރުން ޚިދުމަތް ހޯދާތާ 8 އަހަރުވީއިރު، ކޮންމެ އަހަރެއްގެވެސް ކަނޑު ގަދަވާ ދުވަސްވަރުވެފައި ވަނީ ރަށުގެ ރައްޔިތުންނާއި އޮޑިވެރިންނަށް އެތައް ކޮންޖެހުންތަކާއި ކުރިމަތިވާ ދުވަސްތަކަކަށެވެ. އެހެންކަމުން އެރަށުގެ ބަނދަރުގެ ހުރި ދަތިތައް ހައްލުކުރުމަށް ސަރުކާރުން އަންނަނީ އެރަށުގައި ޒަމާނީ ފެންވަރަށް ބަނދަރު ތަރައްޤީކުރަމުންނެވެ.
ނ. މަަނަދޫ ބަނދަރުގެ ނެރު ފުންކުރުމާއި ބޭރުތޮށި ލުމުގެ މަޝްރޫޢުގެ މަސައްކަތުގެ ދަށުން، މިހާރު ކުރިއަށްދަނީ މަނަދޫ ޖެޓީ ހެދުމުގެ މަސައްކަތާއި، ބަނދަރު ފުންކުރުމުގެ މަސައްކަތެވެ.#MTCCProjects #RayyithungeKunfuni pic.twitter.com/ohL1AMoYoN
— MTCC Plc (@MTCCPlc) October 29, 2022
މަނަދޫ ބަނދަރު ތަރައްޤީކުރުމުގެ މަޝޤރޫޢުގެ ދަށުން ބަނދަރުގައި މިހާރު ކަނޑާފައިވާ ނެރު ބައްދާ، ބަނދަރުގެ ހުޅަނގު ފަރާތަށް ނެރު ބަދަލުކުރުމަށް ވަނީ ހަމަޖެހިފައެވެ. އަދި 29000 ކިއުބިކް މީޓަރު ސަރަޙައްދެއްގެ ބަނދަރު ފުންކުރުމާއި، 195 މީޓަރުގެ ސަރަޙައްދެއްގައި ބޭރުތޮށި ލުމާއި، 188މީޓަރު ސަރަޙައްދުގައި ރިވެޓްމަންޓްޖެހުން ހިމެނެއެވެ. މީގެއިތުރުން ކޮންކްރީޓް ބްރިޖެއް އެޅުން، ބާޖާ ކޮޅުވެއްޓި ކައިރިކުރުމަށް ރޭމްޕް ހެދުން އަދި ނެރުބައްތި ހަރުކުރުމުގެ މަސައްކަތް ހިމެނެއެވެ.
