ފުލުހުންގެ ބެލުމުގެ ދަށަށް ގެންދިޔަފަހުން ކުއްލިއަކަށް މަރުވި ރަޝީދު މަރުވުމުގެ ކުރިން އޭނާގެ ހާލު ސީރިއަސްކަން އެގުނު ހިސާބުން ފަރުވާދޭން އެދުމުންވެސް އެވަގުތު ރަޝީދު ކައިރީގައި ތިބި ފުލުހުން އެންގީ އޭނާގެ ހޯލު "އޯކޭ" ކަމަށް ކަމުގައި ރައްޔިތުންގެ މަޖިލީހުގެ މަޑަވެލި ދާއިރާގެ މެމްބަރު ހުސެއިން ފިރުޝާން ވިދާޅުވެއްޖެއެވެ.

ފުލުހުންގެ ބެލުމުގެ ދަށަށް ގެންދިޔަފަހުން ކުއްލިއަކަށް މަރުވި ރަޝީދުގެ ހަށިގަނޑު ޕޯސްމޯޓަމް ހައްދަން ބޭނުންނުވާ ކަމަށާއި، އެކަން ކޮށްފިނަމަ ހަށިގަނޑާއި ހަވާލުނުވާނެ ކަމަށް އޭނާގެ މަންމައާއި އާއިލާގެ ގިނަ މީހުން ބުނެ މިއަދު މާލޭގައި ނޫސްވެރިންނަށް ދެއްވި އިންޓަރވިއުގައި ދެއްކި ވާހަކަތަކާއި ގުޅިގެން އެދާއިރާގެ މެމްބަރު ފިރުޝާން ވިދާޅުވީ ރަޝީދުގެ މަންމަ މިއަދު ދެއްކެވި ވާހަކަތަކަކީ ކަން ހިނގައިދިޔަ ގޮތްކަމަށެވެ.

ރަޝީދުގެ އަންހެން ކޮއްކޮ އަދި މަންމަ ބުނިިގޮތުގައި ރަޝީދުގެ މެޔަށް ތަދުވާތީ ޝަކުވާކުރަން ފެށީ އޭނާ ހައްޔަރުކޮށްގެން ފުލުހުން ލޯންޗަށް އެރުވުމުންނެވެ. ހޮސްޕިޓަލަށް ގެންގޮސްދިނުމަށް ދެގަނޑިއިރު ވަންދެން އާދޭސް ކުރިއެވެ. ނަމަވެސް އޭނާ ހޮސްޕިޓަލަށް ގެންދެވުނީ އަގައިން ފޮނުނިކުމެ މަރުވިވެސް ފަހުން ކަމަށް އާއިލާއިން ބުނެއެވެ.

މިވާހަކަތަކާއި ގުޅިގެން ފިރުޝާން ވިދާޅުވީ ފުލުހުން ކައިރީގައި ރަޝީދުގެ ހާލު ސީރިއަސްކަން އެގުނު ހިސާބުން އޭނާއަށް ފަރުވާދޭން އުދުނު ކަމަށެވެ. ނަމަވެސް ފުލުހުން ދިން ޖަވާބަކީ އެނާ "އޯކޭ" ކަމަށެވެ. ފިރުޝާން ވަނީ ރަޝީދުގެ އާއިލާއާއި ހަށިގަނޑު ހަވާލުކޮށް، އިންސާގު އަވަސް ކުރުމަށް ގޮވާލާފައެވެ.

އިންސާފު އަވަސްކުރޭ! މާޓީގެ ހަށިގަނޑު އާއިލާއައި ހަވާލުކުރޭ! ރަޝީދުގެ މަންމަ އެ ވިދާޅުވަނީ ރަނގަޅަށް. އެތަނުގައި ތިބި ފުލުހުން ކައިރީ އަޅުގަނޑުމެން އެދުނިން ފަރުވާދޭން. ފުލުހުން ވިދާޅުވީ އޭނަ އޯކޭ ކަމަށް.

– މެމްބަރު ފިރުޝާން ވިދާޅުވިއެވެ.

Adhulla Rasheed ge manma e vidhaalhu vanee rangalhah. Ethanugai thibi fuluhun kairy alhugandumen edhunin faruvaa dheyn. Fuluhun vidhaalhu vee “eyna ok” kamah. https://t.co/rqdDQ0lv3f

— Hussain Firushan 🇲🇻 (@husnfirey) October 27, 2022

ފުލުހުންގެ ބެލުމުގެ ދަށަށް ގެންދިޔަފަހުން ކުއްލިއަކަށް މަރުވި ރަޝީދުގެ ހަށިގަނޑު ޕޯސްމޯޓަމް ހެދުމަށް ފުލުނުން ވަނީ އޭނާގެ ހަށިގަނޑު ގަލޮޅު މޯޗަރީގައި ބާއްވާފައެވެ. ނަމަވެސް އާއިލާއިނ ބުނެފައިވަނީ ޕޯސްޓްމޯޓަމް ހައްދަން ބޭނުންނުވާ ކަމަށާއި، އެކަން ކޮށްފިނަމަ ހަށިގަނޑާއި ހަވާލުނުވާނެ ކަމަށް ބުނެފައެވެ.

ރަޝީދުގެ މަރުގެ ހާދިސާގައި ފުލުހުން އަމަލުކޮށްފައިވާ ގޮތާއި ގުޅޭގޮތުން އެޗްއާރުސީއެމްއިންނާއި، ޕޮލިސް އިންޓަރގްރިޓީ ކޮމިޝަނުން ގެންދަނީ ޚާއްސަ ތަހުގީގެއް ހިންގަމުންނެވެ.