ބޮލީވުޑްގެ ތިން ޚާން އެކުގައި ފެނިގެންދާ، މަޝްޙޫރު އެކްޓަރު އާމިރު ޚާނާއި ކަރީނާ ކަޕޫރުގެ ފިލްމު "ލާލް ސިންގް ޗައްޑާ" އަންނަ އަހަރު ޑިސެމްބަރ މަހު ރިލީސް ކުރާނެއެވެ.
މި ފިލްމުގައި ޝާހްރުކް ޙާނާއި ސަލްމާން ޚާން ހާއްސަ ފެނިލުމަކުން ފެނިގެންދާނެ ކަމަށް ވަނީ އިއުލާނު ކޮށްފައެވެ. މި ދެ މީހުން ކުޅޭބައި ޑައިރެކްޓް ކުރަނީވެސް އާމިރް ޚާނެވެ.
މި ފިލްމުގައި ޝާހްރުކް ޙާން ކުޅުމަށް ހަމަޖެހިފައި ވަނީ އޭނާގެ މަޝްޙޫރު ފިލްމު "ދިލްވާލޭ ދުލްހަނިޔާ ލޭ ޖައެންގޭ" ގައި އޭނާ ކުޅުނު "ރާޖް"ގެ ރޯލެވެ. ޕްރޮސްތެޓިކްސް އާއި ވިޝުއަލް އިފެކްޓްގެ އެހީގައި އޭނާ ފެނިގެންދާނީ ސީދާ 1995ގައި ފެނުނު ޒުވާން "ރާޖް"ގެ ގޮތުގައެވެ.
ސަލްމާން ހާން ފެނިގެންދާނީ 90ގެ އަހަރުތަކުގައި އޭނާ މަޝްހޫރު ކަން ހޯދި "ޕްރޭމް"ގެ ރޯލެވެ. ޕްރޭމްގެ ކެރެކްޓަރ އަކީ އޭރުގެ މަޝްހޫރު ގިނަ ފިލްމު ތަކެއްގައި އޭނާ ގިނަ ބައެއްގެ ލޯބި ހޯދި ކެރެކްޓަރ އެކެވެ. އެގޮތުން "މޭނޭ ޕިޔާރްކިޔާ"، "ހަމް އާޕްކޭހެއި ކޯން" އަދި "ހަމް ސާތު ސާތުހެއި" ފަދަ ފިލްމުތަކުަގއި ސަލްމާން ވަނީ ޕްރޭމްގެ ރޯލު ކުޅެފައެވެ.
މި އީ ބޮލީވުޑްގައި އަބަދުވެސް މައްސަލަތައް ޖެހިފައި އޮންނަ ކަމުގެ އަޑު ފެތުރިފައި އޮންނަ ތިން ޙާނުން އެކުގައި މަސައްކަތް ކުރާ ފުރަތަމަ ފިލްމެވެ. ތިން ޚާނުން އެކުގައި ސިލްވަރ ސްކްރީން ހިއްސާކުރުން މިއީ އިންޑިއާގެ މުނިފޫހިފިލުވުމުގެ އިންޑަސްޓީ ފޮލޯ ކުރަމުންގެންދާ މީހުން މީގެކުރިން ވާނެކަމަށް އުންމީދު ވެސް ނުކުރާ ކަމެކެވެ.
އާމިރް އާންމު ގޮތެއްގައި ގައި ފާހަގަ ކުރެވެނީ ތަފާތު އުފެއްދުންތަކެއް ސިނަމާއަށް ގެނެސްދޭ ފަންނާނެއްގެ ގޮތުގައެވެ.
