ކުރިން ވަރަށް ފަލަކޮން ހުރި ބޮލީވުޑްގެ ބަތަލާ ސޯނަމް ކަޕޫރު، ވަރަށް ބުރަކޮށް މަސައްކަތް ކޮށްގެން ބޮލީވުޑަށް ނުކުތީ ވަރަށް ލޫޅާފަތި ހަށިގަނޑަކާއި އެކުގައެވެ.
ހަށިގަނޑަށް ވަރަށް ބަލައިގެން އުޅޭ ސޯނަމަށް ވަނީ މީގެ ދެމަސް ކުރިން ދަރިއަކު ލިބިފައެވެ. ހަމަ އެއާ އެކުގައި އޭނާގެ ހަށިގަނޑަށްވެސް ވަނީ ވަރަށް ބޮޑު ބަދަލެއް އައިސްފައެވެ.
ވިހެއުމާއި ގުޅިގެން އަންނަ އެބަދަލަކީ ކޮންމެ އަންހެނަކުވެސް ކުރިމަތިލާ ބަދަލުތަކެކެވެ. ނަމަވެސް ކުރިން ހުރި ވަރަށް ހަށިގަނޑު ލޫޅާ ފަތި ކޮށްލުމަށް އޭނާ މިހާރު ވަނީ މަސައްކަތް ފަށައިފައެވެ.
View this post on Instagram
މީގެ ތިން ދުވަސް ކުރިން އޭނާ ވަނީ ސޯޝަލް މީޑީއާގައި ޕޯސްޓެއް ހިއްސާ ކޮށްފައެވެ. އަދި ބުނެފައިވަނީ ވިހައިގެން 60 ދުވަސް ފަހުން ޖިމްގައި ކަސްރަތު ކުރަން ފެށި ވާހަކައެވެ. 'ހޭޝްޓެގް ކީޕް އިޓް ރިއަލް ވިތު ސޯނަމް' ގެ ނަމުގައ އޭނާ ޕޯސްޓް ކުރި ވީޑިއޯ ގައި ވަނީ އޭނާ ކުރާ ބައެއް ކަސްތަރުތައް ވެސް ދައްކާލައިފައެވެ.
މި ޕޯސްޓަށް ސާބަސްދީ ފިރިމީހާ އާނަންދު އަހޫޖާ އާއި ކޮއްކޮ ރިއާ ކަޕޫރުގެ އިތުރުން ބައްޕަ އަނިލް ކަޕޫރު ވެސް ވަނީ ކޮމެންޓު ކޮށްފައެވެ.
View this post on Instagram
ސޯނަމާއި އާނަންދު ކައިވެނި ކުރީ 2018 ވަނަ އަހަރުއެވެ. އެދެމީހުންނަށް އަލަތު ދަރިފުޅު ލިބުނީ މިދިޔަ ސެޕްޓެމްބަރު މަހުގެ ތެރޭގައެވެ. ކައިވެންޏަށް ފަހު ސޯނަމް ދިރިއުޅެމުން ގެންދިޔައީ ލަންޑަންގައެވެ.
ސޯނަމް އެންމެ ފަހުން ފެނުނީ 2019 ވަނަ އަހަރު ނެރުނު ފިލްމު ޒޯޔާ ފެކްޓާ އިންނެވެ. ސޯނަމްގެ ކުރިއަށް އޮތް މަސައްކަތަކީ ކޮރެއަން ފިލްމު 'ބްލައިންޑް' އެވެ. އެ ފިލްްމުގެ ޝޫޓިން ލަންޑަންގައި ހުރެގެން އޭނާ ވަނީ ނިންމާލައިފައެވެ. ނަމަވެސް ފިލްމު ރިލީޒްކުރާނެ ތާރީއެއް އަދި އިއުލާނެއް ނުކުރެއެވެ.
