ގިނަ ރެކޯޑް ތަކެއް މުގުރާލި ކާމިޔާބު ފިލްމު "ބުރައްމަސްތުރާ" އަންނަ މަހުގެ 4 ގައި ޑިޒްނީ ޕްލަސް ހޮޓްސްޓާ އިން ސްޓްރީމް ކުރަން ފަށަން ނިންމާފައިވާކަން ދަރްމާ ޕްރޮޑަކްޝަނުން އިއުލާންކޮށްފިއެވެ.
މި ފިލްމަކީ އަޔާން މުކަރްޖީ ޑައިރެކްޓްކޮށް އާލިއާ ބަޓާއި ރަންބީރު ކަޕޫރު އެކުގައި ފެނިގެންދިޔަ ފުރަތަމަ ފިލްމެވެ. އަދި އެމީހުންގެ ލޯބީގެ ފެށުމަކީވެސް ހަމަ މި ފިލްމެވެ. "ބުރައްމަސްތުރާ: ޕާޓް ވަން-ޝިވާ" އަކީ އަޔާން ގެނެސްދޭން ނިންމާފައިވާ ޓްރިލޮޖީގެ ފުރަތަމަ ބައެވެ.
ފިލްމްގެ ކާސްޓްގައި މެގަ ސްޓަރ އަމީތާބް ބައްޗަން އާއި ޒުވާން ބަތަލާ މޯނީ ރޯއީ ވެސް މުހިންމު ރޯލެއް އަދާ ކުރެއެވެ. ފިލްމަކީ މިއަހަރުގެ އެންމެ އުންމީދީ އެއް ފިލްމު ވެސް މެއެވެ. އަދި ހަމަ އެހެންމެ މިހާތަށް އިންޑިއާގައި ހެދި އެންމެ އަގު ބޮޑު ފިލްމަކީ ވެސް މިއީއެވެ.
View this post on Instagram
ބޮޑު ކާސްޓެއް ހިމެނޭ ފިލްމުގައި ސައުތުގެ މަޝްހޫރު އެކްޓަރު ނާގަ އަރުޖުނާ އަކިނޭނީވެސް މުހިންމު ރޯލެއް ކުޅުނެވެ. މީގެ އިތުރުން ބޮލީވުޑްގެ ސްޕަސްޓަރ ޝާހުރުކް ޚާންގެ ހާއްސަ ފެނިލުމެއް ވެސް ވަނީ ހިމަނާފައެވެ.
މީގެ ދެވަނަ ބައި އުފެންދުމުގެ މަސައްކަތް އަޔާން މުކަރުޖީ އަންނަނީ ކުރަމުންނެވެ. އޭނާ އަމާޒު ހިފާފައި ވަނީ 2024 ގައި ފިލްމު ބެލުންތެރިނާއި ހަމައަށް ގެެނެސްދިނުމަށެވެ.
