ރަންބީރް ކަޕޫރާ އެކީ ކުޅެން ލިބުނު ފިލްމު "އެނިމަލް" ކުޅެން ދެކޮޅު ހެދި ސަބަބާ ގުޅޭގޮތުން އަރަމުން އަންނަ ބޮލީވުޑްގެ ފިލްމީތަރި ޕަރްނީތީ ޗޯޕްރާ ވާހަަކަ ދައްކައިފިއެވެ.

މި ފިލްމު އިއުލާން ކުރުމާއި އެކުގައި މި ދެތަރިންގެ ސަޕޯޓަރުން ތިބީ ވަރަށް އުފަލުންނެވެ. އެއީ އެދެމީހުން އެކުގައި ސްކްރީން އިން ފެނިގެންދާނެ ފުރަތަމަ ފިލްމަށް ވުމުން އެމީހުންގެ ކެމިސްޓްރީ ބަލާލަން ސަޕޯޓަރުން ތިބީ ކެތް މަދުވެފައެވެ.

ނަމަވެސް ހީކުރި ގޮތާއި ހިލާފަށް ޕަރިނީތީ ވަނީ އެ ފިލްމު ނުކުޅެ ދޫކޮށްލާފައެވެ. އިންޑިއާ ޓުޑޭ އަށް ދިން އިންޓަވިއުއެއްގައި އޭނާ ބުނީ ހާލަތު ނިޔާކުރާ ގޮތުން ބައެއް ފަހަރު، ބައެއް ފުރުސަތުތައް ދޫކޮށްލުމަކީ ކޮންމެހެން ކުރަން ޖެހޭ ކަމެއް ކަމަށެވެ.

 

View this post on Instagram

 

A post shared by 𝙿𝚊𝚛𝚒𝚗𝚎𝚎𝚝𝚒 𝙲𝚑𝚘𝚙𝚛𝚊 🫧 (@parineetichopra)

އެ ފިލްމް އަށް ވެސް ވީ އެފަދަ ގޮތެއް ކަމަށާއި އޭކަމާއި އޭނާ އެއްވެސް ވަރަށްކަށް ދެރަ ނުވާ ކަމަށް ވަނި ބުނެފައިއެވެ. އެ ފިލްމު އޭނަ ދޫކޮށްލުމުން ފިލްމު ދީފައި ވަނީ މި މަހުގެ 7 ގައި ރިލީޒްކުރި އަމީތާބް ބައްޗަންގެ "ގުޑްބާއި" އިން ބޮލީވުޑަށް ނުކުތް މަޝްހޫރު ތެލެގޫ ބަތަލާ ރަޝްމިކާ މަންދަނާއަށެވެ.

"ކަބީރް ސިންގް" ގެނެސްދިން ޑައިރެކްޓަރު ސަންދީޕް ރެޑީ ވަންގާގެ "އެނިމަލް" އަކީ ރަންބީރާ އެކީ ކުޅެން ޕަރިނީތީ އަށް ލިބުނު ފުރަތަމަ ފިލްމެވެ. "އެނިމަލް" އަކީ ގޭންގް ސްޓާ އާއިލާއަކާއި ގުޅޭ ވާހަކަ ތަކެއް ކިޔައިދޭ ފިލްމެކެވެ.

 

View this post on Instagram

 

A post shared by 𝙿𝚊𝚛𝚒𝚗𝚎𝚎𝚝𝚒 𝙲𝚑𝚘𝚙𝚛𝚊 🫧 (@parineetichopra)

ޕަރިނީތީ އެ ފިލްމު ދޫކޮށްލީ "ލަވް އާޖް ކަލް" އާއި "ރޮކްސްޓާ"ގެ އިތުރުން "ޖަބް ވީ މެޓް" ފަދަ ކާމިޔާބު ފިލްމުތައް ގެނެސްދިން ޑައިރެކްޓަރު އިމްތިއާޒް އަލީ ހަދަން ނިންމާފައިވާ ބަޔޮގްރަފިކަލް ޑްރާމާއަކުން ފުރުސަތު ލިބުމުންނެވެ.