މީގެ ދެ އަހަރު ކުރިން އިއުލާންކުރި "ނާގިން" ޓްރިލޮޖީގެ ފުރަތަމަ ބަޔަށް ތައްޔާރުވަމުން އަންނަ ކަމަށް އޭގެ ޕްރޮޑިއުސަރު ނިކިލް ދިވިވޭދީ ބުނެފި އެވެ.
އޭނާ މިހެން ބުނެފައިމިވަނީ މި ޕްރޮޖެކްޓްގެ މަސައްކަތް ނުފެށި ލަސްވަތީ މާ ކައިރި މުސްތަގުބަލެއްގައި ފިލްމުގެ މަސައްކަތް ފެށިދާނެ ކަމަށް ނުބެލެވޭ ކަމަށް ބޮލީވުޑްގެ ޚަބަރުތައް ގެނެސްދޭ ނޫސްތަކުން ރިޕޯޓް ކުރުމާއި ގުޅިގެންނެވެ.
2020 ވަނަ އަހަރު އިއުލާން ކުރި މި ފިލްމުގެ ލީޑުން ފެނިގެންދާނީ ޒުވާން ބަތަލާ ޝްރައްދާ ކަޕޫރެވެ. ނަމަވެސް އަދިވެސް ފިލްމުގެ ޝޫޓިން ފެށިފައި ނުވާތީ ނޫސްތަކުން ބުނެފައިވަނީ ފިލްމަށް ކުރަންޖެހޭ މަސައްކަތް ބޮޑު ކަމުން ނުފެށި ލަސްވަނީ ކަމަށެވެ.
ނަމަވެސް ފިލްމާއި ގުޅޭ ގޮތުން ވާހަކަ ދައްކަމުން ނިކިލް ބުނީ ފިލްމު ފެށުން ލަސް ނުވާކަމަށާއި އެމީހުންގެ ޝެޑިއުލާ އެއްގޮތަށް ކަންތައްތައް ކުރިއަށް ދާކަމަށެވެ. ފިލްމަކީ ތިން ބަޔަކަށް ބަހާލައިގެން ގެނެސްދޭ ފިލްމެކެވެ.
އާންމު ގޮތެއްގައި ނާގިންގެ ފިލްމު ތަކުގައި ދައްކުވައިދެނީ ހަރުފަޔަކު އިންސާނުންގެ ތެރޭގައި އުޅުމަށް ކުރާ މަސައްކަތް ނުވަތަ ކޮންމެވެސް ކަމަކާއި ގުޅިގެން އިންސާނުންގެ ކިބައިން ހިފާ ބަދަލެވެ.
މިފަދަ ފިލްމުތައް މީގެ ކުރިން ވެސް ގެނެސްދީފައި އެބަހުއްޓެވެ. އަދި މިހާރު ކަލާސް ޓީވީ އިން "ނާގިން" ގެ ނަމުގައި ގެނެސްދެމުން އަންނަ މިފަދަ ސިލްސިލާ އަކީ ބެލުންތެރިންގެ މެދުގައި ވަރަށް މަގްބޫލު ޑްރާާމާއެކެވެ.
މި ޒަމާނަށް ފައްތައިގެން "ނާގިން" އަލުން ބޮޑު ސްކްރީނަށް ގެންނަން ނިންމި އިރު، މީގެ ޑައިރެކްޝަނާ ހަވާލުވެފައި ވަނީ މިދިޔަ އަހަރު ރިލީޒްކުރި ނުޝްރަތު ބަރޫޗާގެ ބިރުވެރި ފިލްމު "ޗޯރީ"ގެ ޑައިރެކްޓަރު ވިޝާލް ފޫރިއާއެވެ.
ޝްރަދާގެ ކުރިއަށް އޮތް ފިލްމަކީ އެކްޓަރު އަންބީރު ކަޕުރާއި އެކުގައި ފެނިގެންދާ އަދި މިހާތަނަށް ނަން އިއުލާން ނުކޮށް އޮތް، ޑައިރެކްޓަރު ލަވް ރަންޖަންގެ ފިލްމްއެކެވެ. އަންނަ އަހަރު ރިލީޒްކުރަން ހަމަޖެހިފައިވާ މި ފިލްމަކީ ރޮމޭންޓިކް ކޮމެޑީއެކެވެ. މިއީ ރަންބީރާއި ޝްރައްދާ އެކުގައި ފެނިގެންދާ ފުރަތަމަ ފިލްމު ވެސް މެއެވެ.
ކޮމެންޓު ފޮނުވާ