ގަވާއިދާ ޚިލާފަށް ރަޖިސްޓްރީ ކޮށްފައިވާކަމަަށް ބުނެ ޓްރާންސްޕޯޓު މިނިސްޓްރީ ރަޖިސްޓްރީ ބާތިލް ކުރުމަށް ނިންމާފައިވާ އުޅަނދުތަކުގެ ތެރެއިން 87 އުޅަނދެއްގެ ރަޖިސްޓްރީ ބާތިލްކުރުމަށް ނިންމުމަށް އަމަލްކުރުން ސިވިލް ކޯޓުން ހުއްޓުވައިފިއެބވެ.
ގަވާއިދާ ޚިލާފަށް ރަޖިސްޓްރީ ބާތިކް ކޮށްފައި ވާކަމަށް ބުނެ، ޓްރާންްސްޕޯތު މިނިސްޓްރީންވަނީ، ކާރާއި ސައިކަލްވެސް ހިމެނޭގޮތުން 200 އަށްވުރެ ގިނަ އުޅަނދުގެ ރަޖިސްޓްރީ ބާތިލް ކުރުމަށް ނިންމާފައެވެ.
ވެހިކަލްތަކުގެ ރަޖިސްޓްރީ ބާތިލް ކުރުމަށް ނިންމު ބައެއް އުޅަނދުތަކުގެ ވެރިފަރާތުން ސިވިލް ކޯޓަށް މައްސަލަ ހުށަހެޅުމުން އެ ކޯޓުން ވަގުތީ އަމުރު ނެރެފައިވަނީ 87 އުޅަދެއްގެ ރަޖިސްޓްރީ ބާތިލް ކުރުން ވަގުތީ ގޮތުން މަޑު ޖައްސާލުމަށެވެ.
ސިވިލް ކޯޓުން ނެރެފައިވާ އަމުރުގައި ރަޖިސްޓްރީ ބާތިންކުރުން މަޑު ޖައްސާލުމަށް އަމުރު ކޮށްފައުވަނީ ޓްރާންސްޕޯޓު މިނިސްޓްރީން ފާއިތުވެދިޔަ މަހުގެ 7 ވަނަ ދުވަހާއި 26 ވަނަ ދުވަހު ނެރުނު އިއުލާނުން ރަޖިސްބާތިލް ކުރުމަށް ނިންމާފައިވާ އުޅަތަކުގެ ރަޖިސްޓްރީތައް ބާތިލް ކުރުމެވެ.
ސިވިލް ކޯޓުގެ ގާޒީ ހާފިޒާ އަބްދުއްސައްތާރު ނެރުއްވި އަމުރުގައި ވަނީ، މިއިން އެއްވެސް އުޅަދެއްގެ ރަޖިސްޓްރީއަކީ ބާތިލް ވެފައިވާ ރަޖިސްޓްރީއެއް ކަމުގައި ނުބެލުމަށާއި އަދި މި އުޅަނދުތަކަށް ދޭންޖެހޭ ޚިދުމަތްތަކަށްވެސް ތަފާތުކަމެއް އައިސްގެން ނުވާނެ ކަމުގައެވެ.
މިމައްސަލާގައު ދައުލަތުން ވަކާލާތު ކޮށްފައިވަނީ މި ރަޖިސްޓްރީތައް ބާތިލްކުރުން ހުއްޓުވައިފިނަމަ، މަގުތަކުގެ ސަލާމަތާއި ރައްކާތެރިކަމަށް ބުރޫ އެރުމަކީ އެކަށީގެންވާ ކަމެއް ކަމުގައެވެ. އެހެންނަމަވެސް ގާޒީ ކުރެއްވި ހުކުމުގައި ބަޔާން ކޮށްފައިވަނީ ވަގުތީ އަމުރު ނުނެރުއްވައިފިނަމަ، އުޅަނދުތަކުގެ ވެރިފަރާތްތަކަށް ލިބޭ އާމްދަނީ ހުއްޓުމަކަށް އައިސް އިއާދަ ނުކުރެވޭވަރުގެ ގެއްލުން ލިބިގެން ދިއުމުގެ ފުރުސަތު އޮތް ކަމުގައެވެ.
