އަލަތު ދަރިފުޅަށް ބަލިވެއިން ބޮލީވުޑްގެ މަޝްހޫރު ބަތަލާ އާލިއާ ބަޓް ވިހައިގެން ވީއެންމެ އަވަހަކަށް މަސައްކަތަށް ނުކުންނަން ފިރިމީހާ ރަންބީރު ކަޕޫރު ބޭނުންވާކަމަށް އާލިއާ ބުނެފިއެވެ.
ބޮލީވުޑްގެ އެންމެ މަގުބޫލު އެއް ޖޯޑު ކަމުގައިވާ އާލިއާ ބަޓް އާއި ރަންބީރު ކަޕޫރް ކައިވެނި ކުރީ މި އަހަރުގެ އެޕްރިލް މަހުގެ 14 ވަނަ ދުވަހުއެވެ.
ދާދިފަހުން ސީއެންބީސީއަށް ދިން އިންޓަވިއުއެއްގައި އާލިއާ ބުނީ ރަންބީރު ހުރީ ދަރިއަކު ލިބޭތީ ވަރަށް އުފަލުން ކަމަށެވެ. އަދި ދަރިފުޅު ވިހާގޮތަށް ވީއެންމެ އަވަހަށް އާލިއާ މަސައްކަތަށް ފޮނުވަން ރަންބީރު ބޭނުންވަނީ ދަރިފުޅުގެ ހުރިހާކަމެެއް ރަންބީރު ބެލެހެއްޓުމަށް ކަމަށްވެސް އާލިއާ ވަނީ ބުނެފައެވެ. އެގޮތުން ދަރިފުޅުގެ ކަންކަމަށް ދެމީހުން ވަގުތު ހޭދަކުރާނެ ގޮތުގެ ޕްލޭން ރަންބީރު މިހާރު ހަދާފައި ވާކަމަށް އާލިއާ ވަނީ ބުނެފައެވެ.
"ރަންބީރު ބުނީ އެއްމަހު އަހަރެން މަސައްކަތަށް ނުކުންނާނީ އޭ، އެމަހު އޭނާ ދަރިފުޅު ބަލަހައްޓަބް އޮފް ނަގާނީ އޭ. އަނެއް މަހު އަހަރެން އޮފް ނަގާފައި ދަރިފުޅު ގާތުގައި މަޑުކުރާނީ އޭ އެމަހު އޭނާ މަސައްކަތަށް ނުކުންނާނީ އޭ"
– އާލިއާ
ރަންބީރު އިންޓަވިއުއެއްގައި ބުނިކަމަށް އާލިއާ ބުނީ އޭނާ ފިލްމުތަކުން ނުފެނި އަބަދު ދަރިފުޅު ބަަލަން ބައިންދައިފި ނަމަ އޭނާގެ ފޭނުން ރަންބީރު ކުއްވެރި ކުރާނޭ ކަމަށާއި އެހެންކަމުން ބެލެނިވެރިއެއްގެ ހައިސިއްޔަތުން ރަންބީރު ކުރަންޖެހޭ ހުރިހާކަމެއް ކުރަން ރަންބީރު ބޭނުންވާކަމަށެވެ.
View this post on Instagram
މިދިޔަ ބުދަ ދުވަހު ރަންބީރު އިންތިޒާމްކޮށްގެން އެމީހުންގެ ގޭގައި އާލިއާގެ ބޭބީ ޝަވަރ ވެސް ވަނީ ބާއްވާފައެވެ.
ފިލްމީ މަސައްކަތްތަކަށް ބާލާލާއިރު، މިވަގުތު ޗުއްޓީގައި ހުރި ނަމަވެސް އާލިއާގެ އަތުގައި މިހާރުވެސް ގިން ޕްރޮޖެކްޓް ތަކެއް އެބައޮތެވެ. އެގޮތުން މިހާރު ބޮޑުބައެއް ޝޫޓިންގ ނިމިފައިވާ "ރޮކީ އޮރް ރާނީކީ ޕްރޭމް ކަހާނީ" އާއި އަދި ޝޫޓިން ނުފަށާއޮތް ފިލްމު "ޖީލޭޒަރާ" ފާހަގަ ކޮށްލެވެއެވެ.
އާލިއާ ވަނީ އޭނާ ހޮލީވުޑަށް ނުކުންނަ ފިލްމު "ހާޓް އޮފް ސްޓޯން"ގެ ޝޫޓިންގ، މާބަނޑު ދުވަސްވަރު ކުރިއަށް ގެންގޮސް ނިންމާލައިފައެވެ.
