މާލެއަށް ގިނަބަޔަކު އަރާ ފޭބުމަށް ބޭނުންކުރާ ދެ ސަރަހައްދު ކަމުގައިވާ އެމްއެމްއޭ ކުރިމައްޗާއި ބީއެމްއެލް މެއިން ބުރާންޗް ކުރިމަތީ ދަތުރުވެރީންނަށް ނިވާކަމެއް ހިމާޔަތެއް ނެތްކަމަށާއި، ލަފާފުރުމުގެ އެއްވެސް އިންތިޒާމެއް ނެތްކަމަށް ޓްރޭޑް ޔޫނިއަންގެ ނައިބް ރައީސް އަދި ކުރީގެ ގްރޭޓަރ މާލޭ އިންޑަސްޓްރިއަލް ޒޯން ލިމިޓެޑް ކުންފުނީގެ ބޯޑުގެ ޗެއަރމަން ސައުދުﷲ އަހުމަދު ވިދާޅުވެއްޖެއެވެ.
ސައުދު މިއަދު ކުރެއްވި ޓުވީޓެއްގައި ވިދާޅުވެފައިވަނީ، މާލޭގެ ލަފާ ފުރުމުގެ އެއްވެސް އިންތިޒާމެއް ނެތްއިރު، މޭޔަރާއި ސިޓީ ކައުންސިލަށް އެފަރާރްތަކުގެ ޒިންމާވެސް އަދާ ނުކުރެވޭ ކަމަށެވެ. އަދި އޭނާ ވަނީ ދަތުރުފަތުރުގެ އިންތިޒާމްތަކާއި ގުޅޭގޮތުން ގާނޫނުން މުހިންމު ޒިންމާތަކެއް ޓްރާންސްޕޯޓު މިނިސްޓްރީއާއި ހަވާލު ކޮށްފައިވާކަން މާލޭ ސިޓީގެ މޭޔަރަށް އެގިވަޑައި ނުގަންނަވަނީތޯ ސުވާލު ކުރައްވާފައެވެ.
މާލެއަށްއައިސްގޮސްވާ އެތަށްބަޔަކު އަރާފައިބާ ދެސަރޙައްދެއް މޭޔަރަށްނުފެންނަނީބާ. MMA ކުރިމއަޗާ BML މެއިންބްރާންޗް ކުރިމަތި ދަތުރުވެރިންނަށް ނިވާކަމެއް, ހިޔާކަމެއްނެތް. ލަފާފުރުމުގެ އެއްވެސް އިންތިޒާމެއްނެތް. ކޮބައިތަޯ މޭޔަރުގެ ޒިންމާ، ކޮބައިތޯ ކައުންސިލްގެ ޒިންމާ 1/2
— Saudulla Ahmed (@saudullaahmed1) October 5, 2022
ސައުދު ކުރެއްވި ޓުވީޓުގައި އޭނާ ވަނީ، ދަތުރުފަތުރުގެ ފަސޭއަށް މަސައްކަތް ކުރައްވާނަމަ، ސިޔާސީ ގޮތުން މަންފާ ހޯއްދަވަން ނޫޅުއްވާ، ޓްރާންސްޕޯޓު މިނިސްޓްރީއާއި މަޝްވަރާ ކޮށްގެން ކަންކަން ހައްލު ކުރުމަށް ސިޓީ ކައުންސިލަށް ގޮވާލައްވާފައެވެ. އަދި އޭނާވަނީ ބެރު ނުޖައްސާވާ ޒިންމާ އަދާ ކުރެއްވުމަށް މުއިއްޒުއަށް ގޮވާލައްވާފައެވެ.
