އިއްޔެ 45 އަހަރު ފުރުން ފާހަގަކުރި، ބޮލީވުޑްގެ ބަތަލާ ސުޝްމިތާ ސެން އަށް، އޭނާ އަށްވުރެ 15 އަހަރު ހަގު ކުއްޖެއްދެކެ ލޯބި ވެވިއްޖެއެވެ. މިއާއި އެކު އޭނާގެ ދިރިއުޅުމަށް އާ މާނައެއް ލިބިއްޖެއެވެ.
ޖުލައި 28 ގައި ސުޝްމިތާ އާއި ލޯބިވެރިޔާ ރޯމަން އެދެމީހުން ރައްޓެހިވިތާ 2 އަހަރު ފުރުނު ދުވަސް ވަނީ ފާހަގަ ކޮށްފައެވެ. ރިޕޯޓުތައް ބުނާ ގޮތުގައި މި ދެމީހުން ދިމާވީ ފެޝަން ޝޯވ އަކުންނެވެ. އެއަށްފަހު ދެމީހުން އެކުގައި ވަރަށް ގިނަ ވަގުތު ހޭދަ ކުރަންފެށިއެވެ.
View this post on Instagram
1994 ވަނަ އަހަރު، އުމުރުން 18 އަހަރުގައި މިސް އިންޑިއާގެ ތާޖު އެޅި، ސުޝްމިތާ ބުނިގޮތުގައި ރޯމަން އަކީ އޭނާއަށްވުރެ 15 އަހަރު ކުޑަ މީހެއް ނަމަވެސް ވީ ވަރަށްވެސް ވިސްނުންތޫނު މީހަކަށެވެ. އަދި ސުޝްމިތާގެ ކުދިންނާއި ވެސް އޭނާ ވަރަށް ގުޅޭ ކަމަށް ޒޫމް ޓީވީއަށް ދިން އިންޓަވިއު އެއްގައި ބުނެފައިވެއެވެ. އަދި ދުވަހަކުވެސް ދިރިއުޅުން ފުރިހަމަ ކުރުމަށް ފިރިހެނެއްގެ ބޭނުން ޖެހޭނެކަމަށް ހީނުކުރާ ކަމަށްވެސް ބުންޏެވެ.
ސުޝްމިތާގެ ދަރިފުޅު ރެނީ މިހާރު އެކްޓިންގެ ދާއިރާއަށް ނުކުންނަން ތައްޔާރުވަމުން ދާއިރު އޭނާ ގެ ދެވަނަ ދަރިފުޅު އަލިސާ އަދި އުޅެނީ ސުކޫލްގައެވެ. ސުޝްމިތާގެ އުމުރުން 24 އަހަރުގައި ރެނީ އެޑޯޕްޓު ކޮށްފައިވާއިރު ދެވަނަ ދަރިފުޅު އެޑޯޕްޓު ކުރީ 2010 ގައެވެ. އަދި ރެނީގެ އަސްލު މައިންބަފައިން ހޯދުމަށް މަސައްކަތް ކުރި ނަމަވެސް ރެނީ އެކަމަށް އެހާ ޝައުގެއް ނެތުމުން ހުއްޓާލީކަމަށް ބުނެފައިވެއެވެ.
