މާލެއަތޮޅު އަތޮޅު ކައުންސިލްގެ 11 ވަނަ ޤުރުއާން ކިޔެވުމުގެ މުބާރާތުގެ އެއްވަނަ ސުކޫލަކަށް ކ. ގާފަރު ސުކޫލް ހޮވިއްޖެއެވެ.
ސެޕްޓެމްބަރު 29 އިން އޮކްޓޯބަރ 1 ވަނަ ދުވަހަށް ކ. ކާށިދޫގައި ކުރިއަށް ގެންދިޔަ މި ޤުރުއާން މުބާރާތުގެ ނަތީޖާ ފާޅުކުރުމުގެ ރަސްމިއްޔާތު ޝަރަފުވެރި ކޮށްދެއްވީ އައްޝައިހް މުޙައްމަދު އަފްޒަލެވެ.
އަތޮޅުގެ 9 ރަށުގެ ސްކޫލްތަކުން ބައިވެރިވި މި މުބާރާތުގެ ދެވަނައަށް ހޮވުނި ކ. މާފުށީ ސްކޫލެވެ. އަދި ތިން ވަނައަށް ދިޔައީ ކ. ހިންމަފުށީ ސްކޫލެވެ.
މުބާރާތުގައި ޝަރަފްވެރި ވަނަތައް ހޯދި ވަކިވަކި ދަރިވަރުންނަކީ:
- މުޅި މުބާރާތުން ނުބަލާ ކިޔެވުމުގެ ގޮފިން 01 ވަނަ : އާލް މުޙައްމަދު ނިޔާޒް / ކ.ގުރައިދޫ ސްކޫލް
- މުޅި މުބާރާތުން ބަލައިގެން ކިޔެވުމުގެ ގޮފިން 01 ވަނަ: އައިޝަތު އިޝްފާއު އިސްހާޤް / ކ. ހުރާ ސްކޫލް
- މުޅި މުބާރާތުން 01 ވަނަ: އައިޝަތު އިޝްފާއު އިސްހާޤް / ކ. ހުރާ ސްކޫލް
ރަސްމިއްޔާތުގައި ވާހަކަ ދައަކަވަމުން މުބާރާތުގެ އިސް ފަނޑިޔާރު، އަލްޤާރީ ހަސަން ތަޢުފީޤް ވަނީ ދަތިވަރުންގެ ކިޔެވުމަށް ތަޢުރީފް ކުރައްވައި ދަރިވަރުންނަށް ހިތްވަރުލައިދެއްވާފައެވެ. މުބާރާތުގެ ފަނޑިޔާރުކަން ކޮށްދެއްވަނީ މިނިސްޓްރީ އޮފް އިސްލާމިކް އެފެއާޒްގެ ފަނޑިޔާރުންނެވެ.
މި މުބާރާތުގައި ކިޔެވި ދަރިވަރުންގެ ތެރެއިން ޖުމްލަ 18 ދަރިވަރަކު ވަނީ ޤައުމީ ގުރުއާން ކިޔެވުމުގެ މުބާރާތުގައި އަތޮޅު ތަމްސީލްކުރުމަށް ހޮވިފައެވެ.
އަތޮޅު ޤުރުއާން ކިޔެވުމުގެ މުބާރާތަކީ ކޮންމެ އަހަރަކުވެސް މާލެއަތޮޅުގައި ވާދަވެރި މުބާރާތަކަށް ވެގެންދެއެވެ. ވޭތުވެދިޔަ 03 އަހަރު މާލެ އަތޮޅު އަތޮޅު ކައުންސިލްގެ ޤްރުއާން ކިޔެވުމުގެ މުބާރާތުގެ 01 ވަނަ ހޯދާފައިވަނީ ކ. ހުރާ ސްކޫލުންނެވެ.
