ޖުޑީޝަލް ސަރވިސް ކޮމިޝަން (ޖޭއެސްސީ) އެކުލެވިގެންވާ ގޮތް އިޞްލާޙުކުރުމަށްޓަކާ ކުރިއަށް ގެންދާ މަޝްވަރާތައް ފަށައިފިއެވެ.
އޭޖީ އޮފީހުން ބުނީ ޖޭއެސްސީ އެކުލެވިގެންވާގޮތް އިސްލާހުކުރުމަށް ކުރިއަށްގެންދާ މަޝްވަރާތަކުގެ ތެރެއިން ބަންޑާރަ ނާއިބު އަލްއުސްތާޛް އިބްރާހީމް ރިފްޢަތު، ޖޭއެސްސީ އާއި ސުޕްރީމް ކޯޓާ ބައްދަލުކޮށްފައިވާކަމަށެވެ. ޖޭއެސްސީ އެކުލެވިގެންވާގޮތް މުރާޖަޢާކޮށް، ޤާނޫނުއަސާސީއަށް އިސްލާޙު ގެނައުމަކީ، ޝަރުޢީދާއިރާ އިސްލާޙުކުރުމަށް މިސަރުކާރުން ވެފައިވާ ވަޢުދުތަކުގެ ތެރޭގައި ހިމެނޭ މުހިންމު އެއް ވަޢުދެވެ.
އޭޖީ އޮފީހުން ބުނީ، ޖޭއެސްސީ އެކުލެވިގެންވާގޮތް މުރާޖަޢާކޮށް ޤާނޫނު އަސާސީއަށް އިސްލާޙު ގެނައުމަށްތަކައި އެކުލަވާލަންޖެހޭ ޤާނޫނު އެކުލަވާލުވުމުގެ މަސައްކަތް މިހާރު ފަށާފައިވާކަމަށެވެ.
އެގޮތުން ޤާނޫނުއަސާސީގެ ބަޔާންކޮށްފައިވާ ޖުޑީޝަލް ސަރވިސް ކޮމިޝަނަކީ ދެފުށް ފެންނަ ސިޔާސީ ނުފޫޒުން މިނިވަން ވެފައިވާ މުއައްސަސާއެއްކަން ކަށަވަރުކުރުމަށްޓަކައި، ކަމާގުޅޭ ބައިނަލްއަޤުވާމީ ހަމަތަކާއި އުސޫލުތަކަށް ރިޢާޔަތްކޮށް ޤާނޫނު އަސާސީއަށް ގެންނަންޖެހޭ އިސްލާޙުތައް އޭޖީ އޮފީހުން އެކުލަވާލާ މިބިލްގައި ހިމެނޭނެކަމަށް އޭޖީ އޮފީހުން ބުންޏެވެ.
އަދި މިހާރު ހިނގަމުންދާ ރައްޔިތުންގެ މަޖިލީހުގެ 3ވަނަ ދައުރުގެ ތެރޭގައި މިބިލް މަޖިލީހަށް ހުށަހެޅުމަށް ނިންމަވާފައިވާކަމަށްވެސް އޭޖީ އޮފީހުން ބުންޏެވެ.
ޖޭއެސްސީ އިޞްލާހުކުރުމަކީ ރައީސް ޞާލިޙްވެ ވަޢުދެއްނަމަވެސް ސަރުކާރަށް 4 އަހަރުވެގެންދާއިރުވެސް އެކަން ނުކުރާތީ އިދކޮޅާއި ސަރުކާރުގެ ބައެއް މެންބަރުގެ ފާޑުކިޔުން ވަނީ އަމާޒުވެފައެވެ.
