މި ސަރުކާރުގެ ސިޔާސަތަކީ ރާއްޖޭގެ އުތުރާއި ދެކުނުގައިވެރި ފަތުރުވެރިކަން ފުޅާކޮށް، ބޭނުންވާ ޚިދުމަތްތައް ގާއިމްކުރުން ކަމުގައި ނާއިބު ރައީސް ފައިސަލް ނަސީލް ވިދާޅުވެއްޖެއެވެ.
ފައިސަލް ނަސީމް މިހެން ވިދާޅުވީ އަދާރަން ސިލެކްޓް ހުދުރަން ފުށީގައި ރޭ ބޭއްވި ސައުތް އޭޝިއަން ޓްރެވަލް އެވޯޑްސް (ސަޓާ) 2022 ގެ ހަވަނަ އެޑިޝަންގެ ޙަފްލާ ޝަރަފުވެރިކޮށްދެއްވައި ވާހަކަ ދައްކަވަމުންނެވެ.
މި ހަފްލާގައި ވާހަކަ ދައްކަވަމުން ނާއިބު ރައީސް ވިދާޅުވީ މީގެ 50 އަހަރު ކުރިން ރާއްޖޭގައި ފަތުރުވެރިކަން ތަރައްގީ ވެގެން އައީ، އެ ސިނއަތު އުފަންކޮށް ތަރައްގީ ކުރުމަށް އޭރު ޒުވާން ބައެއް ފަރާތްތަކުން ކުރަމުން އައި ބުރަ އިޚްލާސްތެރި މަސައްކަތުން ކަމުގައެވެ. އަދި އޭގެ ނަތީޖާއެއްގެ ގޮތުން މި ސިނާއަތަކީ މިއަދު މުޅި ދުނިޔޭގައިވެސް އެންމެ ކުރިއަރާފައިވާ މަންޒިލަށް ވެގެން ގޮސްފައިވާކަން އެމަނިކުފާނު ފާހަގަ ކުރެއްވިއެވެ.
އެމަނިކްފާނު ވިދާޅުވި ގޮތުގައި ރާއްޖޭގެ ފަތުރުވެރިކަމަށް ލިބިގެންދިޔަ މި ކާމިޔާބީގެ އަސްލަކީ ދިވެހިން އަދާކުރަމުންދާ މެހުމާންދާރީގެ ރިވެތި ސިފަކަމުގައެވެ. އިތުރަށް ވާހަކަ ދައްކަވަމުން ނާއިބު ރައީސް ވިދާޅުވީ ދިވެހިންގެ މި މެހުމާންދާރީގައި ހުރި އެންމެ ރީތި ސިފައަކީ ބާއްވަމުންދާ ގާތް ރަހުމަތްތެރިކަމާއި، ދީލަތި ކަމާއި، ޗުއްޓީ ހޭދަކުރުމަށް ރާއްޖެއަށް ޒިޔާރަތްކުރާ ފަތުރުވެރިންނަށް އެންމެ ފުރިހަމަ ޚިދުމަތްތައް ފޯރުކޮށް ދިނުމަށް ކުރަމުންދާ މަސައްކަތްތަކަމުގައެވެ.
ނާއިބު ރައީސް ފައިސަލް ނަސީމުގެ ވާގަކަފުޅުގައި ވިދާޅުވީ ކޯވިޑް19 އާއި ދެކޮޅަށް ސަރުކާރަށް އަޅަންޖެހުނު ފިޔަވަޅުތަކުގެ ނަތީޖާއެއްގެ ގޮތުން ރާއްޖޭގެ ބޯޑަރު ބަންދުކޮށް، ރިސޯޓްތަކާއި ގެސްޓްހައުސްތައް ވަގުތީގޮތުން ބަންދުކުރަން ޖެހުމުން ރާއްޖޭގެ އިޤްތިޞާދަށް ވަރަށް ބޮޑު ނޭދެވޭ އަސަރުތަކެއް ކޮށްފައިވާކަމަށެވެ. އެހެންނަމަވެސް ރައީސް ޞާލިޙްގެ އިސްނެންގެވުމާއި، ސަރުކާރާއި ފަތުރުވެރިކަމުގެ ޞިނާޢަތު ގުޅިގެން ކުރި މަސައްކަތުގެ ނަތީޖާއެއްގެ ގޮތުން މި ސިނާއަތަށް މިހާރު ހިންދެމިލެވިފައިވާކަން ފާހަގަ ކުރައްވަމުން ނާއިބު ރައީސް ފައިސަލް ނަސީމު ވަނީ ފަތުރުވެރިކަމުގެ ސިނާޢަތުގައި ޙަރަކާތްތެރިވާ ފަރާތްތަކުން ސަރުކާރަށް ވެދެއްވާ އެހީތެރިކަމާއި އެއްބާރުލެއްވުމަށްޓަކައި ޝުކުރު އަދާކުރައްވާފައެވެ.
