ރާއްޖޭގެ އަދުލު އިންސާފާއި، އިޖުރިމާއި ފޭރާން ވީދި ސަދޫމުގެ ހާލަތަށް ގޮސްފައިވާކަމަށް ރައްޔިތުންގެ މަޖިލީހުގެ ނޮޅިވަރަމް ދާއިރާގެ މެމްބަރު މުހައްމަދު ނަޝީދު (މޮސްޓާ) ވިދާޅުވެއްޖެއެވެ.
ރާއްޖޭގެ ޤައުމީ ދިދައާއި، ޝަރުއީ ދާއިރާގެ ދިދައެއް ވަރަށް ބޮޑަށް ހަލާކުވެފައިވާ ފޮޓޯއަކާއިއެކު މޮސްޓާ ކުރި ޓުވީޓުގައި ވިދާޅުވީ މިދިދަތަކަށް ބަލައިލުމުންވެސް ޤައުމުގެ ހާލަތު ވަރަށް ރަނގަޅަށް ވަޒަން ކުރެވޭކަމަށެވެ. މިއަދު ރާއްޖޭގެ އިޖުތިމާއީ ފޭރާން ހަލާކުވެ، އަދުލު އިންސާފު ނެތި ސަދޫމުގެ ހާލަތަށް ބަދަލުވެފައިވާކަމަށް އޭނާ ވިދާޅުވިއެވެ. ޤައުމުގެ މިއަދުގެ ހާލަތު އޮތް ގޮތުން ރައްޔިތުން ފިކުރުކޮށް، ޤައުމުގެ ހައްހުގައި ތެދުވާންޖެހޭކަމަށް މޮސްޓާ ވިދާޅުވިއެވެ.
މީ ހަމަ މިއަދު މިގައުމުގެ ހާލަތު. ޢިޖުތިމާއީ ފޭރާން ވިދިވިދިގެން ގޮސްފައިވާއިރު އަދުލުއިންސާފުވެސް ވަނީ ވިދިވިދިގެން ހަފުސްވެ ސަދޫމް އިންސާފަށް ވެފައި. އަދިވެސް ރައްޔިތުން ހޭވެރިވާން ނުވޭބާ. ވަތަނީ ގައުމީ ލޯބި ހުރި ކޮންމެ ލޮލަކުން މިއަދު ހަމަޔަގީނުންވެސް ކަރުނަ އަޅާނެ.
– މޮސްޓާ ވިދާޅުވިއެވެ.
މީ ހަމަ މިއަދު މިގައުމުގެ ހާލަތު… ޢިޖުތިމާއީ ފޭރާން ވިދިވިދިގެން ގޮސްފައިވާއިރު އަދުލުއިންސާފުވެސް ވަނީ ވިދިވިދިގެން ހަފުސްވެ ސަދޫމް އިންސާފަށް ވެފައި… އަދިވެސް ރައްޔިތުން ހޭވެރިވާން ނުވޭބާ… ވަތަނީ ގައުމީ ލޯބި ހުރި ކޮންމެ ލޮލަކުން މިއަދު ހަމަޔަގީނުންވެސް ކަރުނަ އަޅާނެ… pic.twitter.com/TGKBpOAY5j
— Mohamed Nasheed Abdulla ( MosTaaA ) (@MNA_MosTaaA) September 25, 2022
މޮސްޓާއަކީ ސަރުކާރުގެ ސިޔާސަތުތަކަށް ވަރަށް ބޮޑަށް ފާޑުވިދާޅުވެ މަޖިލީހުގައި ހިމެނޭ މިނިވަން މެމްބަރުންގެ ތެރެއިން މެމްބަރެކެވެ. ޚާއްސަކޮށް ރާއްޖޭގެ އިޖުތިމާއީ ހާލަތާއި، އިސްލާމްދީނަށް ފާޅުގައި ހަޖޫޖަހައި ދީނާއި ދެކޮޅު ކަންކަމުގައި ސަރުކާރުން އެކަށީގެންވާ ފިޔަވަޅު ނާޅާތީ މޮސްޓާގެ ފާޑުކިޔުން އަބަދުވެސް ސަރުކާރަށް އަމާޒުވެއެވެ.
ރާއްޖޭގެ މިހާރުގެ ހާލަތާއިމެދު ގިނަބައެއްގެ ކަންބޮޑުވުންއިރު ޤައުމު މިހާރު އޮތް ހާލަތުން އަރައި ގަތުމަށް ގިނަ މަސައްކަތްތަކެއް ކުރަންޖެހޭކަމަށް ގިނަ ބަޔަކު ދަނީ ބުނަމުންނެވެ. އަދި މިކަންކަމުގެ ޒިންމާ އެންމެ ބޮޑަށް އުފުލަންޖެހޭ ފަރާތަކީ ހޯމް މިނިސްޓަރަށްވާއިރު، މިނިސްޓަރަކަށް ޤައުމުގެ ހާލަތު ރަނގަޅު ކުރުމަށް އެކަށީގެންވާ މިންވަރާއި ގާތަށްވެސް މަސައްކަތް ނުކުރެވޭކަމަށް ގިނަ ބަޔަކު ދަނީ ބުނަމުންނެވެ.
