މަސްދޯނި ފަހަރު ތަރައްޤީވާ މިންވަރައް ވުރެއް ބާރަށް ފިޝަރީޒް އިންޑަސްޓްރީ ކުރިއަށް ދާންޖެހޭ ކަމުގައި ރައްޔިތުންގެ މަޖިލީހުގެ ވިލިނގިލި ދާިއރާގެ މެމްބަރު ސައުދު ހުސެއިން ވިދާޅުވެއްޖެއެވެ.
ރާއްޖޭގެ މަސްވެރިކަން ރަނގަޅުވެ މަސްވެރިންގެ ޝަކުވާތައް އަނެއްކާވެސް އިތުރުވެފައިވާ މިދަނޑިވަޅުގައި ސައުދު ވަނީ ރާއްޖޭގެ މަސްވެރިކަން ކުރިއަރުގައި ދިވެހިންގެ މައި ލޭނާރު އިތުރަށް ކުރިއެރުވުމަށް ކުރެވިދާނެ މަސައްކަތްތަކާއި ގުޅޭގޮތުން ވާހަކަ ދައްކަވާފައެވެ. ސައުދު ވިދާޅުވީ ދިވެހި މަސްވެރިކަމަށް އިންގިލާބީ ބަދަލު ތަކެއް އަންނަންޖެހޭކަމަށެވެ. މަސްދޯނި ފަހަރުތައް ޒަމާނާއި ހާލަތާއި އެއްގޮތަށް ތަރައްޤީވަމުންދާއިރު، ދިވެހި މަސްވެރިކަމުގެ އިންޑަސްޓްރީއަށް ކުރިއެރުން އަންނަންޖެހޭކަމަށެވެ.
ދިވެހި މަސްވެރިކަން، ޤައުމުގެ މި އުފެއްދުންތެރި ބިޔަ ބޮޑު އިޤްތިޞާދީ ހަރަކާތް އަދި ދިވެހިންގެ ލޭނާރު ކަމުގައި ވެފައިވާ ދުނިޔެއަށް މަޝްހޫރު ދިވެހި މަސްވެރިކަމަށް އިންގިލާބީ ބަދަލު ގެންނަންޖެހޭ. މަސްދޯނި ފަހަރު ތަރައްޤީވާ މިންވަރައް ވުރެއް ބާރަށް ފިޝަރީޒް އިންޑަސްޓްރީ ކުރިއަށް ދާންޖެހޭ.
– ސައުދު ވިދާޅުވިއެވެ.
މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީގެ ތަފާސް ހިސާބުތަކާއިއެކު ސައުދު ވިދާޅުވީ މަސްވެރިނަށް ފަސޭހައިން މަސް ކިރުވައި، އަދިސްލިބޭނެ ގޮތްތަކެއް ހަމަޖެހެން ޖެހޭކަމަށެވެ. މަސްވެރިން ބާނާ މަސް ކިރުވޭނެ އިންތިޒާމު ހަމަޖެއްސުމަށް މޯބައިލް ފްލީޓް ބޮޑުކުރުމަށް އިތުރު ބޯޓުފަހަރު ގެންނަންޖެހޭކަމަށް ސައުދު ވިދާޅުވިއެވެ.
ދިވެހި މަސްވެރިކަމަށް އަވަސް ހައްލެއް ގެނައުމަށް މަސް ދޯނި ފަހަރުގައި ބްރައިން ސިސްޓަމް/އައިސް ޕްލާން ހަރުކުރުމާއި، ކޫއްޑޫގައި ކޯލްޑް ސްޓޯރޭޖް އަދި ބްރައިން ކެޕޭސިޓީ އިތުރުކޮށް އެއްފަހަރާ ގެނެވޭ މަހުގެ މިންވަރު ތިން ގުނަ މައްޗަށް ގެންނަން ޖެހޭ. އަދި މަސް ގަންނަ މޯބައިލް ފްލީޓް ބޮޑުކުރުމަށް ބޯޓު ފަހަރު ގެންނަން ޖެހޭ.
– ސައުދު ވިދާޅުވިއެވެ.
Dhivehi masverikamah avas hallu genaumah mas dhoani faharuga brine system/Ice plant harukurumai, Kooddoo ga cold storage adhi brine capacity ithurukoh ehfaharā ganevey mahuge minvaru 3 guna mahchah gennan jehey, adhi mas ganna mobile fleet bodukurumah khāsa boat faharu gennajehey pic.twitter.com/qo3OLlmf86
— Saud Hussain MP (@SaudVillingili) September 22, 2022
މިދުވަސްވަރަކީ ރާއްޖެއަށް މަސްވެރިކަން ރަނގަޅު ދުވަސްވަރެކެެވެ. މިއާއެކު މަސް ކިރުވުމުގައި ދަތިތަކާއި ދިމާވަމުންދާކަމުގެ ޝަކުވާ މަސްވެރިންދަނީ ކުރަމުންނެވެ. އިއްޔެ ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ރައީސް އޮފީހުގެ ތަރުޖަމާނު މިއުވާން ވިދާޅުވީ މަސް ގަތުމުގެ ކެޕޭސިޓީ އިތުރުކުރުމަށް އިތުރު އުޅަނދެއް ގަތުމުގެ މަސައްކަތްކުރަމުންދާ ކަމަށެވެ. އެގޮތުން ރަނގަޅު އުޅަނދެއް ހޯދުމަށް އިންސްޕެކްޝަންތައް ކުރަމުންދާ ކަމަށްވެސް މިއުވާން ވިދާޅުވިއެވެ.
މިއުވާންވެސް ވަނީ މި ދުވަސްވަރު ރާއްޖެއަށް މަސްވެރިކަން ރަނގަޅު ދުވަސްވަރެއްކަން ފާހަގަކުރައްވާފައެވެ. އެގޮތުން ވޭތުވެދިޔަ 2 ހަފްތާގެތެރޭގައި މިފްކޯއަށް ގާތްގަނޑަކަށް އެވްރެޖްކޮށް ދުވާލަކަށް 700 ޓަނާ ގާތަށްމަސް ކިރުވަމުންދާ ކަމަށް މިއުވާން ވިދާޅުވިއެވެ. މިއުވާން ވިދާޅުވީ މިފްކޯއިން ކެޕޭސިޓީ އިތުރުކުރުމަށް ކުރަމުންދާ މަސައްކަތްތަކާއި އެކު މަސް ކިރުވުމުގައި ހުރި ދަތިތަކަށް ހައްލު ލިބިގެންދާނެ ކަމަށެވެ.
މީގެއިތުރުން މަސްވެރިންނަށް އައިސް ލިބުމުގައި ހުރި ދަތިތަކަށް ހައްލު ހޯދުމަށް މަސައްކަތްކުރަމުންދާ ކަންވެސް މިއުވާން ފާހަގަކުރެއްވިއެވެ. އެގޮތުން 14 އައިސްޕްލާންޓެއް ހިންގުމުގެ މަސައްކަތް ފެނަކަ ކޯރޕަރޭޝަނާއި ހަވާލުކޮށްފައިވާކަންވެސް މިއުވާން ފާހަގަކުރެއްވިއެ.
